Visit:
హైదరాబాద్‌, జూలై 30 (నమస్తే తెలంగాణ): ఫాస్టాగ్‌ సర్వీసులపై ఆగస్టు 1 నుంచి కొత్త రూల్‌ అమల్లోకి రానున్నది. వాహనం కొనుగోలు చేసిన 90 రోజుల్లోగా వాహన రిజిస్ట్రేషన్‌ నంబర్‌ను ఫాస్టాగ్‌ నంబర్‌లో అప్‌లోడ్‌ చేయాల్సి ఉంటుంది. లేకుంటే హిట్‌లిస్టులో ఉంటుంది. నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ)జూన్‌లో ఫాస్టాగ్‌కి సంబంధించి మార్గదర్శకాలు జారీ చేసింది.
ఫాస్టాగ్‌ సర్వీస్‌ ప్రొవైడర్‌ కంపెనీలకు అన్ని షరతులు నెరవేర్చేందుకు ఆగస్టు 1 నుంచి అక్టోబర్‌ 31 వరకు సమయం ఉంటుంది. నూతన ఫాస్టాగ్‌ని జారీ చేయడం, సెక్యూరిటీ డిపాజిట్‌, కనీస రీఛార్జ్‌ని కూడా ఎన్‌పీసీఐ నిర్ణయించింది.
