మాడల్‌ స్కూల్స్‌ను పాఠశాల విద్యలో విలీనం చేయండి : జేఏసీ

తెలంగాణ మాడల్‌ స్కూల్స్‌ను పాఠశాల విద్యలో విలీనం చేయాలని మాడల్‌ స్కూల్‌ జేఏసీ డిమాండ్‌ చేసింది. మొత్తం 12 డిమాండ్లను పరిష్కరించాలని కోరుతూ జేఏసీ నేతలు ఉద్యమ బాటపట్టారు.

హైదరాబాద్‌, నవంబర్‌ 2 (నమస్తే తెలంగాణ) : తెలంగాణ మాడల్‌ స్కూల్స్‌ను పాఠశాల విద్యలో విలీనం చేయాలని మాడల్‌ స్కూల్‌ జేఏసీ డిమాండ్‌ చేసింది. మొత్తం 12 డిమాండ్లను పరిష్కరించాలని కోరుతూ జేఏసీ నేతలు ఉద్యమ బాటపట్టారు. సోమవారం రాష్ట్రంలోని అన్ని మండలాల తహసీల్దార్లు, ఎంపీడీవోలకు వినతిపత్రాలు సమర్పించారు.

మంగళవారం కూడా తహసీల్దార్లు, ఎంపీడీవోలకు వినతిపత్రాలు సమర్పిస్తామని జేఏసీ నేతలు తెలిపారు. 4,5,6 తేదీల్లో జిల్లా స్థాయిలో ఉద్యమం కొనసాగుతుందని జేఏసీ స్టీరింగ్‌ కమిటీ సభ్యులు భూతం యాకమల్లు, తరాల జగదీశ్‌, కొండయ్య పేర్కొన్నారు.