ఆడపడుచుల ఆత్మగౌరవం.. ప్రకృతి ప్రేమకు ప్రతీక బతుకమ్మ : పద్మా దేవేందర్ రెడ్డి
తెలంగాణ సంస్కృతి, సంప్రదాయాలకు, ఆడపడుచుల ఆత్మగౌరవానికి ప్రతీకగా నిలిచే బతుకమ్మ పండుగను ప్రజలందరూ సంతోషంగా, ఆనందోత్సాహాల మధ్య జరుపుకోవాలని మాజీ డిప్యూటీ స్పీకర్ ఎం. పద్మా దేవేందర్ రెడ్డి ఆకాంక్షించారు.
మెదక్, అక్టోబర్ 18 (నమస్తే తెలంగాణ) : తెలంగాణ సంస్కృతి, సంప్రదాయాలకు, ఆడపడుచుల ఆత్మగౌరవానికి ప్రతీకగా నిలిచే బతుకమ్మ పండుగను ప్రజలందరూ సంతోషంగా, ఆనందోత్సాహాల మధ్య జరుపుకోవాలని మాజీ డిప్యూటీ స్పీకర్ ఎం. పద్మా దేవేందర్ రెడ్డి ఆకాంక్షించారు. సద్దుల బతుకమ్మ పండుగను పురస్కరించుకుని మెదక్ జిల్లా ప్రజలతో పాటు రాష్ట్ర ప్రజలందరికీ ఆమె శుభాకాంక్షలు తెలిపారు.
ప్రకృతిని ఆరాధించే గొప్ప సంప్రదాయం
పూలను దేవతగా కొలిచే గొప్ప సంప్రదాయం తెలంగాణ సొంతమని పద్మా దేవేందర్ రెడ్డి పేర్కొన్నారు. తీరొక్క పూలతో బతుకమ్మను పేర్చి, ఆడపడుచులంతా ఒకచోట చేరి ఆటపాటలతో పండుగను జరుపుకోవడం తెలంగాణ సంస్కృతిలో ప్రత్యేకతగా నిలుస్తుందన్నారు. ప్రకృతిని ఆరాధిస్తూ, పూలు, చెట్లు, పర్యావరణాన్ని ప్రేమించే గొప్ప సంస్కృతి తెలంగాణ ప్రజలదని తెలిపారు. బతుకమ్మ పండుగ ప్రకృతి ప్రేమకు, మహిళల ఐక్యతకు, తెలంగాణ ఆత్మగౌరవానికి ప్రతీకగా నిలుస్తుందని పేర్కొన్నారు.
కేసీఆర్ హయాంలో బతుకమ్మకు విశేష ప్రాధాన్యం
తెలంగాణ తొలి ముఖ్యమంత్రి కేసీఆర్ బతుకమ్మ పండుగకు విశేష ప్రాధాన్యతనిచ్చారని ఆమె గుర్తుచేశారు. పండుగను అధికారికంగా నిర్వహించడంతో పాటు, ఏటా ఆడపడుచులకు బతుకమ్మ కానుకగా చీరలను పంపిణీ చేసిన విషయాన్ని ప్రస్తావించారు. తెలంగాణ సంస్కృతి, సంప్రదాయాల గొప్పతనాన్ని భావితరాలకు అందించేలా ప్రజలందరూ బతుకమ్మ పండుగను సంప్రదాయబద్ధంగా, భక్తిశ్రద్ధలతో, సంతోషంగా జరుపుకోవాలని పద్మా దేవేందర్ రెడ్డి ఆకాంక్షించారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
సారపాకలో బాల గ్రామ సభ
Male Prisoner Made To Wear Saree | జైలులో యువకుడికి చీర కట్టించి.. లైంగికంగా వేధించిన తోటి ఖైదీలు
Boinapalli Vinod Kumar | సోనియా గాంధీ ఆత్మకథలో తెలంగాణ గురించి రాయకపోవడం బాధాకరం : మాజీ ఎంపీ వినోద్ కుమార్
ఇళ్ల స్థలాల కోసం ఎర్రజెండాలు.. భూమి కోసం రైతు కుటుంబం పోరాటం
Tribals Migration | తెలంగాణలో వలస బాట పట్టిన గిరిజనులు.. వీడియో
ట్రెండింగ్ వార్తలు
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్
Watch: దంపతులు టీవీ చూస్తుండగా ఇంట్లోకి ప్రవేశించిన చిరుత.. తర్వాత ఏం జరిగిందంటే?

