తీజ్ వేడుక‌లో పాల్గొన్న మంత్రి స‌త్య‌వ‌తి రాథోడ్‌

మ‌హ‌బూబాబాద్ : రాష్ట్ర గిరిజన శాఖ మంత్రి స‌త్య‌వ‌తి రాథోడ్ తీజ్ వేడుక‌లో పాల్గొన్నారు. గిరిజనుల సంప్రదాయ వేడుక, గిరిజన యువతులు ఇష్టంగా జరుపుకొనే తీజ్ పండగ ఆదివారం మహబూబాబాద్ జిల్లా పెద్ద తాండ‌లో ఘనంగా జరిగింది. ఈ వేడుకల్లో మంత్రి పాల్గొని గిరిజన సంప్రదాయ నృత్యం చేశారు. మంత్రితో పాటు జిల్లా జెడ్పీ చైర్ పర్సన్ కుమారి బిందు, స్థానిక సర్పంచ్ వనజా శ్రీరామ్, కుటుంబ సభ్యులు, స్థానిక నేతలు పాల్గొన్నారు. గిరిజనుల సాంస్కృతిక వైభవానికి ప్రతీక తీజ్ పండ‌గ అని మంత్రి తెలిపారు. యువతులు తమ కోరిక నెరవేరాలని 9 రోజుల పాటు గోధుమ విత్తనాలను నారుగా పెంచి, భక్తి శ్రద్ధలతో నిమజ్జనం చేసి కుటుంబంతో సరదాగా చేసుకునే పండగ ఇదన్నారు. గిరిజ‌నులంద‌రికీ మంత్రి తీజ్ పండుగ శుభాకాంక్ష‌లు తెలిపారు.