క్యాంపస్‌ ప్లేస్‌మెంట్స్‌ల్లో కే ఎల్‌ వర్సిటీ రికార్డు

క్యాంపస్‌ ప్లేస్‌మెంట్స్‌ల్లో కేఎల్‌ యూనివర్సిటీ విద్యార్థులు మరోసారి రికార్డు సృష్టించారు. అంతర్జాతీయ కంపెనీ నెక్స్‌ పర్ట్‌ కంపెనీలో విద్యార్థి సాత్విక్‌ రూ. 81 లక్షల వార్షిక ప్యాకేజీ సాధించాడు.

• రూ. 81 లక్షల వార్షిక ప్యాకేజీతో సంచలనం

హైదరాబాద్‌, ఏప్రిల్‌ 2 (నమస్తే తెలంగాణ) : క్యాంపస్‌ ప్లేస్‌మెంట్స్‌ల్లో కేఎల్‌ యూనివర్సిటీ విద్యార్థులు మరోసారి రికార్డు సృష్టించారు. అంతర్జాతీయ కంపెనీ నెక్స్‌ పర్ట్‌ కంపెనీలో విద్యార్థి సాత్విక్‌ రూ. 81 లక్షల వార్షిక ప్యాకేజీ సాధించాడు. వివిధ జాతీయ, అంతర్జాతీయ కంపెనీలు నిర్వహించిన ప్లేస్‌మెంట్స్‌ డ్రైవ్‌లో రూ.52 లక్షలు, రూ.44 లక్షలు, రూ.40 లక్షలు, రూ.34 లక్షల వార్షిక ప్యాకేజీలు సాధించినట్టు వర్సిటీ వీసీ డాక్టర్‌ పార్థసారథి వర్మ తెలిపారు.

150 మంది విద్యార్థులు రూ.25 లక్షలు, 630 మంది విద్యార్థులు రూ.15 లక్షల వార్షిక ప్యాకేజీలు దక్కించుకున్నారని పేర్కొన్నారు. ప్రముఖ కంపెనీలైన గూగుల్‌, హిటాచీ, తోషిబా, అమెజాన్‌, సర్వీస్‌ నౌ, జే పీ మోర్గాన్‌ వంటి 342 కంపెనీలు ఈ ఏడాది వర్సిటీలో క్యాంపస్‌ ప్లేస్‌మెంట్స్‌ డ్రైవ్‌ నిర్వహించగా, 6,300 మందికి పైగా ప్లేస్‌మెంట్స్‌ ఆఫర్స్‌ పొందారని, 4,750 మంది విద్యార్థులు ప్లేస్‌మెంట్స్‌ సాధించారని వెల్లడించారు. పదహారేండ్లుగా అర్హత గల విద్యార్థులందరికీ యూనిర్సిటీ 100% ప్లేస్‌మెంట్స్‌ అందించడం గర్వకారణంగా ఉందని చెప్పారు.