కేసీఆర్‌ మరోసారి సీఎం కావాలి

కేసీఆర్‌ మరోసారి సీఎం కావాలని కోరుతూ ఆయన అభిమానులు పాదయాత్రకు శ్రీకారం చుట్టారు. సంగారెడ్డి జిల్లా హత్నూర మండలం మాధుర గ్రామానికి చెందిన బీఆర్‌ఎస్‌ యువ నాయకులు ఉదయ్‌ కిరణ్‌, నర్సింలు శనివారం దౌల్తాబాద్‌లో తెలంగాణ తల్లి విగ్రహానికి పూలమాలలు వేసి ఎర్రవల్లిలోని కేసీఆర్‌ నివాసానికి చేపట్టే పాదయాత్రకు శ్రీకారం చుట్టారు.

• దౌల్తాబాద్‌ టు ఎర్రవల్లికి అభిమానుల పాదయాత్ర

హత్నూర, నవంబర్‌ 7 : కేసీఆర్‌ మరోసారి సీఎం కావాలని కోరుతూ ఆయన అభిమానులు పాదయాత్రకు శ్రీకారం చుట్టారు. సంగారెడ్డి జిల్లా హత్నూర మండలం మాధుర గ్రామానికి చెందిన బీఆర్‌ఎస్‌ యువ నాయకులు ఉదయ్‌ కిరణ్‌, నర్సింలు శనివారం దౌల్తాబాద్‌లో తెలంగాణ తల్లి విగ్రహానికి పూలమాలలు వేసి ఎర్రవల్లిలోని కేసీఆర్‌ నివాసానికి చేపట్టే పాదయాత్రకు శ్రీకారం చుట్టారు. వీరు 90 కిలోమీటర్లు పాదయాత్ర చేపట్టి ఆదివారం ఎర్రవల్లిలోని కేసీఆర్‌ నివాసానికి చేరుకుంటారు.

మార్గమధ్యంలో చాకరిమెట్ల ఆంజనేయస్వామి సన్నిధానం,నాచారం లక్ష్మీనర్సింహ స్వామి ఆలయంలో కేసీఆర్‌ పేరిట పూజలు నిర్వహించనున్నట్టు తెలిపారు. ఈ సందర్భంగా ఉదయ్‌ కిరణ్‌, నర్సింహులు మాట్లాడుతూ.. కేసీఆర్‌ సీఎంగా పనిచేసిన కాలంలో అన్ని రంగాల్లో రాష్ర్టాన్ని అభివృద్ధి చేశారని గుర్తుచేశారు. కాంగ్రెస్‌ పాలనలో సీఎం రేవంత్‌రెడ్డి నాయకత్వంలో తెలంగాణ తిరోగమనం దిశగా పనిచేయడం బాధిస్తున్నదని ఆవేదన వ్యక్తంచేశారు. కార్యక్రమంలో బీఆర్‌ఎస్‌ మండల అధ్యక్షుడు రాంచంద్రారెడ్డి, మాధుర సర్పంచ్‌ నవీన్‌ గౌడ్‌, నాయకులు పాల్గొన్నారు.