14న జస్టిస్‌ వినోద్‌కుమార్‌ ప్రమాణం

మద్రాస్‌ హైకోర్టు నుంచి బదిలీపై వస్తున్న జస్టిస్‌ తడకమల్ల వినోద్‌కుమార్‌ ఈనెల 14న తెలంగాణ హైకోర్టు న్యాయమూర్తిగా ప్రమాణ స్వీకారం చేయనున్నారు.

హైదరాబాద్‌, అక్టోబర్‌ 12 (నమస్తే తెలంగాణ) : మద్రాస్‌ హైకోర్టు నుంచి బదిలీపై వస్తున్న జస్టిస్‌ తడకమల్ల వినోద్‌కుమార్‌ ఈనెల 14న తెలంగాణ హైకోర్టు న్యాయమూర్తిగా ప్రమాణ స్వీకారం చేయనున్నారు.

నిరుడు జూలైలో తెలంగాణ నుంచి బదిలీపై మద్రాస్‌ హైకోర్టుకు వెళ్లిన జస్టిస్‌ వినోద్‌కుమార్‌ను తిరిగి సొంత రాష్ట్రానికే బదిలీ చేయాలన్న సుప్రీంకోర్టు కొలీజియం సిఫారసులను కేంద్రం ఇప్పటికే ఆమోదించి ఉత్తర్వులు జారీచేసింది.