హైదరాబాద్ సిటీబ్యూరో, జనవరి 17 (నమస్తే తెలంగాణ): డిసెంబర్లో రద్దు, రీషెడ్యూల్ కారణంగా ఏర్పడిన స్లాట్లు ప్రస్తుతం అందుబాటులో ఉంచామని హైదరాబాద్ రీజినల్ పాస్పోర్ట్ అధికారి దాసరి బాలయ్య తెలిపారు. పాస్పోర్ట్ దరఖాస్తుదారులు ఈ అవకాశాన్ని వినియోగించుకోవాలని మంగళవారం ఒక ప్రకటనలో పేర్కొన్నారు. కొత్తగా స్లాట్ బుక్ చేసుకోవచ్చని, ఇది వరకు స్లాట్ బుక్ చేసుకున్న వారు సైతం ప్రీపోన్ చేసుకునే అవకాశం ఉంటుందని తెలిపారు. ప్రతి రోజు పాస్పోర్ట్ వెబ్సైట్లో స్లాట్స్ వివరాలు తెలుసుకోవచ్చని వివరించారు.