జోష్‌ను పెంచే హ్యాపీ బర్త్‌డే!

ప్రముఖ కథానాయిక లావణ్య త్రిపాఠి ప్రధాన పాత్రలో నటిస్తున్న చిత్రం ‘హ్యాపీ బర్త్‌డే’. రితేష్‌ రానా (‘మత్తు వదలరా’ఫేమ్‌) దర్శకుడు. ఈ చిత్రాన్ని క్లాప్‌ ఎంటర్‌టైన్‌మెంట్‌ సంస్థ ప్రముఖ నిర్మాణ సంస్థ మైత్రీ మూవీ మేకర్స్‌తో కలిసి నిర్మిస్తున్నది. నవీన్‌ ఎర్నేని, రవిశంకర్‌ యలమంచిలి సమర్పణలో చిరంజీవి (చెర్రి), హేమలత పెదమల్లు నిర్మిస్తున్నారు. జూలై 15న ప్రపంచవ్యాప్తంగా విడుదల చేయబోతున్నారు. ఈ సందర్భంగా గురువారం కొత్త పోస్టర్‌ను విడుదల చేశారు. ఇందులో లావణ్య త్రిపాఠి చేతిలో గన్స్‌ పట్టుకొని హుషారుగా కనిపిస్తున్నది. ఈ పోస్టర్‌ చూస్తే హిలేరియస్‌ ఎంటర్‌టైనర్‌గా చిత్రాన్ని తీర్చిదిద్దారనిపిస్తున్నది. నరేష్‌ ఆగస్త్య, సత్య, వెన్నెల కిషొర్‌, గుండు సుదర్శన్‌ తదితరులు ముఖ్యపాత్రల్లో నటిస్తున్న ఈ చిత్రానికి సంగీతం: కాలభైరవ, డిఓపీ: సురేష్‌ సారంగం, ప్రొడక్షన్‌ డిజైనర్‌: నార్ని శ్రీనివాస్‌, ఫైట్స్‌: శంకర్‌ ఉయ్యాల, కాస్ట్యూమ్‌ డిజైనర్‌: తేజ్‌ ఆర్‌, లైన్‌ ప్రొడ్యూసర్‌: అలేఖ్య పెదమల్లు, ఎగ్జిక్యూటివ్‌ నిర్మాత: బాబా సాయి, చీఫ్‌ ఎగ్జిక్యూటివ్‌ నిర్మాత: బాల సుబ్రమణ్యం కేవీవీ, ప్రొడక్షన్‌ కంట్రోలర్‌: సురేష్‌ కుమార్‌ కందుల, కథ-స్క్రీన్‌ప్లే-మాటలు-దర్శకత్వం: రితేష్‌ రానా.