TSPSC | గ్రూప్-1 అభ్య‌ర్థుల‌కు అల‌ర్ట్.. హాల్ టికెట్‌పై ఫొటో త‌ప్ప‌నిస‌రి

TSPSC | గ్రూప్-1 ప్రిలిమిన‌రీ రాత‌ప‌రీక్ష‌కు టీఎస్‌పీఎస్సీ అధికారులు ఏర్పాట్లు చేశారు. ఈ నెల 9వ తేదీన ఉద‌యం 10.30 నుంచి మ‌ధ్యాహ్నం ఒంటి గంట వ‌ర‌కు ఓఎంఆర్ విధానంలో రాత ప‌రీక్ష నిర్వ‌హించ‌నున్నారు.

TSPSC | హైద‌రాబాద్ : గ్రూప్-1 ప్రిలిమిన‌రీ రాత‌ప‌రీక్ష‌కు టీఎస్‌పీఎస్సీ అధికారులు ఏర్పాట్లు చేశారు. ఈ నెల 9వ తేదీన ఉద‌యం 10.30 నుంచి మ‌ధ్యాహ్నం ఒంటి గంట వ‌ర‌కు ఓఎంఆర్ విధానంలో రాత ప‌రీక్ష నిర్వ‌హించ‌నున్నారు. ఈ క్ర‌మంలో హాల్ టికెట్లు కూడా క‌మిష‌న్ వెబ్‌సైట్‌లో అందుబాటులో ఉన్నాయి.

అయితే హాల్ టికెట్‌పై లేటెస్ట్ పాస్ ఫొటో త‌ప్ప‌నిస‌రిగా అతించుకోని వెళ్లాలి. అంటే మూడు నెల‌ల క్రితం నుంచి నేటి వ‌ర‌కు దిగిన పాస్ ఫొటో త‌ప్ప‌నిస‌రి. హాల్ టికెట్‌పై అభ్య‌ర్థి త‌న ఫొటో పేస్ట్ చేయ‌క‌పోతే ఎగ్జామ్ సెంట‌ర్‌లోకి అనుమ‌తించ‌రు. ఈ నిబంధ‌న‌ను హాల్ టికెట్‌లో పొందుప‌రిచిన‌ట్లు టీఎస్‌పీఎస్సీ అధికారులు పేర్కొన్నారు. ఫొటో కింద సంత‌కం చేసేందుకు త‌ప్ప‌నిస‌రిగా స్పేస్ ఉంచుకోవాల‌ని సూచించారు. హాల్ టికెట్‌తో పాటు పాస్ పోర్ట్, పాన్ కార్డు, ఓట‌ర్ ఐడీ, ఆధార్ కార్డు, గ‌వ‌ర్న‌మెంట్ ఎంప్లాయ్ ఐడీ, డ్రైవింగ్ లైసెన్స్ వంటి ఒరిజిన‌ల్ కార్డును ప‌రీక్షా కేంద్రం వ‌ద్ద చూపిస్తేనే లోప‌లికి అనుమ‌తిస్తారు.