హైదరాబాద్, మే 16 (నమస్తే తెలంగాణ): రాష్ట్ర మంత్రివర్గ సమావేశాన్ని గురువారం నిర్వహించాలని ముఖ్యమంత్రి కే చంద్రశేఖర్రావు నిర్ణయించారు. గత నెల 30న ప్రారంభమైన డాక్టర్ బీఆర్ అంబేద్కర్ తెలంగాణ సచివాలయంలో గురువారం మధ్యాహ్నం 3 గంటలకు సీఎం కేసీఆర్ అధ్యక్షతన ఈ సమావేశం నిర్వహించనున్నారు. నూతన సచివాలయం నిర్మించిన తర్వా త జరుగుతున్న క్యాబినెట్ తొలి సమావేశం ఇది. ఈ సమావేశంలో పలు కీలక అంశాలపై మంత్రివర్గం నిర్ణయాలు తీసుకోనున్నట్టు విశ్వసనీయ వర్గాల సమాచారం. రాష్ట్ర ఆవిర్భావ దశాబ్ది వేడుకలు జరుగుతున్న సందర్భంగా చేపట్టాల్సిన చర్యలపై కూడా సమావేశంలో చర్చించనున్నట్టు తెల్సింది.