12న మంత్రులతో ముఖ్యమంత్రి సమావేశం.. ఎల్‌ నినో ఎఫెక్ట్‌, వర్షాభావ పరిస్థితులపై చర్చించే అవకాశం

రాష్ట్రంలో ఎల్‌ నినో ప్రభావం, వర్షాభావ పరిస్థితులపై ఈ నెల 12న ముఖ్యమంత్రి రేవంత్‌రెడ్డి మంత్రులతో ప్రత్యేక సమావేశం నిర్వహించనున్నారు.

హైదరాబాద్‌, అక్టోబర్‌ 9 (నమస్తే తెలంగాణ) : రాష్ట్రంలో ఎల్‌ నినో ప్రభావం, వర్షాభావ పరిస్థితులపై ఈ నెల 12న ముఖ్యమంత్రి రేవంత్‌రెడ్డి మంత్రులతో ప్రత్యేక సమావేశం నిర్వహించనున్నారు. వర్షపాతం తగ్గిన ప్రాంతాల్లో పరిస్థితులు, రైతులు ఎదురొంటున్న ఇబ్బందులు, ప్రభుత్వం చేపట్టాల్సిన చర్యలపై ఈ సమావేశంలో చర్చించనున్నారు. వ్యవసాయం, సాగు, తాగునీటి సరఫరా, పెరిగిన విద్యుత్తు డిమాండ్‌, తక్షణ అవసరాలపై ప్రధానంగా చర్చించనున్నారు.

ఇటీవల జరిగిన క్యాబినెట్‌ సమావేశంలో వర్షాభావ పరిస్థితులపై చర్చించిన విషయం తెలిసిందే. వర్షాభావ ప్రాంతాల్లో సహాయక చర్య లు, మంత్రివర్గ ఉపసంఘం కార్యాచరణ, అఖిలపక్ష భేటీ, రైతు సంఘాలు, నిపుణుల సూచనలపై చర్చించే అవకాశాలు ఉన్నాయి.