రేవంత్.. నీ బోనస్ వద్దు రైతుబంధు వద్దు ఫస్ట్ వడ్లు కొను!
‘నీ బోనస్ వద్దు.. నీ రైతుబంధు వద్దు.. ఫస్ట్ వడ్లు కొను’ అంటూ రైతులు డిమాండ్ చేస్తున్నారు. కేంద్రాల్లో ధాన్యం కొనుగోళ్లు చేపట్టకపోవడంతో ఆందోళనకు దిగారు. మంగళవారం యాదాద్రి భువనగిరి జిల్లా వలిగొండ మండలం వర్కట్పల్లి, సంగెం గ్రామాల రైతులు ట్రాక్టర్లలో ధాన్యం పోసుకుని పెద్దఎత్తున తరలివచ్చి..
- నీ బోనస్ వద్దు.. నీ రైతుబంధు వద్దు
- ధాన్యం కొనుగోలు చేయకపోవడంపై ఆగ్రహం
- యాదాద్రి కలెక్టరేట్ ఎదుట రైతన్నల ఆందోళన
- రోడ్డుపై ధాన్యం ట్రాక్టర్లతో నిరసన
- వారాలు గడుస్తున్నా కొంటలేరని రాస్తారోకో
- సీఎం రేవంత్ తీరును తూర్పారబట్టిన రైతులు
యాదాద్రి భువనగిరి, ఏప్రిల్ 30 (నమస్తే తెలంగాణ) : ‘నీ బోనస్ వద్దు.. నీ రైతుబంధు వద్దు.. ఫస్ట్ వడ్లు కొను’ అంటూ రైతులు డిమాండ్ చేస్తున్నారు. కేంద్రాల్లో ధాన్యం కొనుగోళ్లు చేపట్టకపోవడంతో ఆందోళనకు దిగారు. మంగళవారం యాదాద్రి భువనగిరి జిల్లా వలిగొండ మండలం వర్కట్పల్లి, సంగెం గ్రామాల రైతులు ట్రాక్టర్లలో ధాన్యం పోసుకుని పెద్దఎత్తున తరలివచ్చి.. భువనగిరి కలెక్టరేట్ ఎదుట రోడ్డుకు అడ్డంగా ట్రాక్టర్లు పెట్టి ధర్నాకు దిగారు.
రోడ్డుపై ధాన్యం పోసి నిరసన చేపట్టారు. కొనుగోలు కేంద్రాలు ప్రారంభించి నెల రోజులైనా ధాన్యం సరిగా కొంటలేరని ఆగ్రహం వ్యక్తం చేశారు. ధాన్యం కొనుగోలు చేసినా లారీలు రావడం లేదని, వచ్చినా 40 కిలోల ధాన్యం బస్తాకు రూ.5 తీసుకుంటున్నారని వాపోతున్నారు. ఏ-గ్రేడ్ ధాన్యం మిల్లుల వద్దకు రాగానే బీ-గ్రేడ్ ధాన్యంగా మారుస్తున్నారని మండిపడ్డారు. క్వింటాల్కు 5 కిలోలు తరుగు పేరుతో కట్ చేస్తున్నారని ఆవేదన వ్యక్తం చేశారు.
కల్లాల వద్ద పేరుకుపోయిన ధాన్యాన్ని వెంటనే కొనుగోలు చేయాలని డిమాండ్ చేశారు. కలెక్టర్, అధికారులు బయటకు వచ్చి సమాధానం చెప్పాలని పట్టుబట్టారు. పోలీసుల జోక్యం వాగ్వాదానికి దారితీసింది. దీంతో ఇరువైపులా భారీగా ట్రాఫిక్ జామ్ అయ్యింది. అనంతరం పలువురు రైతులు కలెక్టరేట్లో అదనపు కలెక్టర్ (రెవెన్యూ) బెన్షాలోమ్కు వినతిపత్రం అందజేశారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

