Amla Powder | ఉసిరి పొడి.. స‌రికొత్త రాబ‌డి.. అధునాతన టెక్నాలజీని ఆవిష్కరించిన సీఎఫ్‌టీఆర్‌ఐ

Amla Powder | సహజ ఆహార ఉత్పత్తులకు ఇటీవల కాలంలో విపరీతమైన డిమాండ్‌ ఏర్పడింది. దీంతో ఫుడ్‌ ప్రాసెసింగ్‌ ఇండస్ట్రీని శాస్త్రీయంగా అభివృద్ధి చేసేందుకు హైదరాబాద్‌ కేంద్రంగా కృషి చేస్తున్న సెంట్రల్‌ ఫుడ్‌ టెక్నోలాజికల్‌ రిసెర్చ్‌ ఇన్‌స్టిట్యూట్‌ (సీఎఫ్‌టీఆర్‌ఐ).. తాజాగా ఉసిరికాయల పొడిని ఆధునిక విధానంలో తయారు చేసేందుకు సరికొత్త టెక్నాలజీని ఆవిష్కరించింది.

• ఫుడ్‌ ఇండస్ట్రీలో మెరుగైన ఉత్పత్తులకు ప్రత్యేక ప్రణాళిక
• స్వయం ఉపాధి సంఘాలకు సాంకేతిక సహాయం

Amla Powder |  హైదరాబాద్‌ సిటీబ్యూరో, మార్చి 19 (నమస్తే తెలంగాణ): సహజ ఆహార ఉత్పత్తులకు ఇటీవల కాలంలో విపరీతమైన డిమాండ్‌ ఏర్పడింది. దీంతో ఫుడ్‌ ప్రాసెసింగ్‌ ఇండస్ట్రీని శాస్త్రీయంగా అభివృద్ధి చేసేందుకు హైదరాబాద్‌ కేంద్రంగా కృషి చేస్తున్న సెంట్రల్‌ ఫుడ్‌ టెక్నోలాజికల్‌ రిసెర్చ్‌ ఇన్‌స్టిట్యూట్‌ (సీఎఫ్‌టీఆర్‌ఐ).. తాజాగా ఉసిరికాయల పొడిని ఆధునిక విధానంలో తయారు చేసేందుకు సరికొత్త టెక్నాలజీని ఆవిష్కరించింది. స్వయం ఉపాధి సంఘాలతోపాటు యువ పారిశ్రామికవేత్తలకు సరికొత్త ఉపాధి అవకాశం లభిస్తుందని సీఎఫ్‌టీఆర్‌ఐ వర్గాలు పేర్కొన్నాయి.

ఆధునిక పద్ధతిలో ఉసిరిపొడి తయారీ

• ఉసిరికాయలను కొనేముందు క్వాలిటీని చెక్‌ చేసుకొంటారు.
• 70-80 డిగ్రీల ఉష్ణోగ్రత ఉన్న వేడి నీటిలో శుభ్రం చేస్తారు.
• 8-10 గంటలపాటు 40-50 డిగ్రీల ఉష్ణోగ్రత ఉండే ప్రత్యేక క్యాబినెట్‌ డ్రైయ్యర్స్‌ను వినియోగించి ఎండబెడతారు.
• ఇలా ఎండిన కాయలను పొడిగా మారుస్తారు.
• అంతర్జాతీయ ఫుడ్‌ ప్రాసెసింగ్‌ నిబంధనల ప్రకారం తయారు చేసే ఈ పొడిని ఎగుమతి చేసుకోవచ్చు.