క్షేత్రస్థాయిలో పుంజుకుంటున్న బీఆర్‌ఎస్‌

‘రాష్ట్రంలో క్షేత్రస్థాయిలో బీఆర్‌ఎస్‌ పుంజుకుంటున్నది, బీజేపీ మాత్రం కాంగ్రెస్‌ క్యాడర్‌ వైపు చూస్తున్నది, వాళ్లకు లీడర్లు లేకపోవడంతో వారంతా కాంగ్రెస్‌ వైపు నుంచే నేతలను తీసుకుంటారు’ అని కాంగ్రెస్‌ రాజ్యసభ సభ్యురాలు రేణుకాచౌదరి వ్యాఖ్యానించారు.

• కాంగ్రెస్‌ ఎంపీ రేణుకాచౌదరి వ్యాఖ్య..
• సోషల్‌ మీడియాలో వీడియో వైరల్‌

హైదరాబాద్‌, జూలై 15 (నమస్తే తెలంగాణ) : ‘రాష్ట్రంలో క్షేత్రస్థాయిలో బీఆర్‌ఎస్‌ పుంజుకుంటున్నది, బీజేపీ మాత్రం కాంగ్రెస్‌ క్యాడర్‌ వైపు చూస్తున్నది, వాళ్లకు లీడర్లు లేకపోవడంతో వారంతా కాంగ్రెస్‌ వైపు నుంచే నేతలను తీసుకుంటారు’ అని కాంగ్రెస్‌ రాజ్యసభ సభ్యురాలు రేణుకాచౌదరి వ్యాఖ్యానించారు. కొందరు పార్టీ నేతలతో మాట్లాడుతూ రేణుకాచౌదరి చేసిన వ్యాఖ్యలకు సంబంధించిన వీడియో బుధవారం సోషల్‌ మీడియాలో వైరల్‌గా మారింది. లిఫ్ట్‌లో ప్రయాణిస్తూ రేణుకాచౌదరి మాట్లాడుతుండటం ఈ వీడియోలో స్పష్టంగా కనిపించింది. కాగా, ఈ వీడియోపై నెటిజన్లు స్పందిస్తూ.. ‘వాస్తవమే.. కాంగ్రెస్‌ మోసపూరిత వాగ్ధానాలు, అంతర్గత కుమ్ములాటలే ఇందుకు కారణం..’, ‘పుంజుకోవడం కాదు బీఆర్‌ఎస్‌ సునామీ రాబోతుంది’ అని కామెంట్లు పెడుతున్నారు.