గురుకులాల్లో ప్రవేశానికి ఉమ్మడి పరీక్ష

రాష్ట్రవ్యాప్తంగా ఉన్న ఎస్సీ, ఎస్సీ, బీసీ గురుకుల పాఠశాలల్లో 5వ తరగతిలో ప్రవేశం కోసం ఉమ్మడి నోటిఫికేషన్‌ జారీ అయింది.

• ఫిబ్రవరి 11న అన్ని జిల్లాల్లో ఎంట్రెన్స్‌ ఎగ్జామ్‌
• ప్రస్తుతం నాలుగో తరగతి చదువుతున్నవారే అర్హులు
• ఆన్‌లైన్‌ దరఖాస్తుల కోసం జనవరి 6 వరకు గడువు

హైదరాబాద్‌ సిటీబ్యూరో, డిసెంబర్‌ 30 (నమస్తే తెలగాణ): రాష్ట్రవ్యాప్తంగా ఉన్న ఎస్సీ, ఎస్సీ, బీసీ గురుకుల పాఠశాలల్లో 5వ తరగతిలో ప్రవేశం కోసం ఉమ్మడి నోటిఫికేషన్‌ జారీ అయింది. ఇంగ్లిష్‌ మీడియం విద్యాభ్యాసం అందుబాటులో ఉన్న ఈ గురుకులాల్లో ప్రవేశాల కోసం 2023-24 విద్యా సంవత్సరంలో నాలుగో తరగతి చదువుతున్నవారు అర్హులుగా నిర్ణయించారు. ఆన్‌లైన్‌ ద్వారా దరఖాస్తుల స్వీకరణ ప్రక్రియ ప్రారంభమయింది.

దరఖాస్తులు చేసుకోడానికి జనవరి 6 వరకు గడువు విధించినట్టు జిల్లా గురుకులాల పరీక్ష కో-ఆర్డినేటర్‌ తెలిపారు. ప్రవేశ పరీక్ష వచ్చే ఫిబ్రవరి 11న ఉదయం 11 నుంచి మధ్యాహ్నం ఒంటిగంట వరకు నిర్వహించనున్నారు. అన్ని జిల్లాల్లోని నిర్ణీత పరీక్షా కేంద్రాల్లో కొనసాగే ఈ ఎంట్రెన్స్‌ ఎగ్జామ్‌ ఫీజు రూ.100గా నిర్ణయించారు. పూర్తి వివరాల కోసం ఆయా గురుకుల విద్యాలయ సంస్థల అధికారిక వెబ్‌సైట్‌ను సందర్శించాలని, లేదా 180042545678 టోల్‌ఫ్రీ నంబర్‌ ద్వారా తమను సంప్రదించాలని సూచించారు.