హైదరాబాద్ సిటీబ్యూరో, మే 22(నమస్తే తెలంగాణ) : యంగ్ ఇన్నోవేటర్లకు బంపర్ ఆఫర్. వైజ్ఞానిక రంగంలో నూతన ఆవిష్కరణలను ప్రోత్సహించడంలో భాగంగా యువ పారిశ్రామికవేత్తలకు నిధి ప్రయాస్ ద్వారా కేంద్ర సైన్స్ అండ్ టెక్నాలజీ శాఖ రూ.10లక్షల ప్రోత్సాహాకాలను ఇవ్వనున్నది. హెల్త్కేర్, బయోటెక్నాలజీ వంటి అనుబంధ రంగాల్లోని ఉత్తమ ఆవిష్కరణలను ఎంపిక చేసి, పది మంది యువ ఆంత్రపెన్యూర్లకు ఈ సాయం చేయనున్నది. ఇందుకు 18 ఏండ్లు నిండి ఆవిష్కరణలకు కృషి చేసే యువకులు, మహిళలు, స్టార్టప్ క్రియేటర్లు అర్హులు. ఈ ఆర్థిక సాయానికి వచ్చే నెల 20 వరకు దరఖాస్తు చేసుకోవచ్చు. వివరాలకు సీసీఎంబీ లోని ప్రయాస్ డెస్క్తోపాటు nidhiprayas@ccmb.res.in లేదా 040-27195626, 9000021386 సంప్రదించవచ్చు.