Psychological Disorders | మీ మానసిక స్థితి ఎలా ఉందో టెస్ట్‌ చేసుకుంటారా.. ఈ యాప్‌తో తెలుసుకోవచ్చు!

Psychological Disorders | ముంబైలోని కింగ్‌ ఎడ్వర్డ్‌ మెమోరియల్‌ హాస్పిటల్‌లో పనిచేస్తున్న నీనా సావంత్‌ సైకియాట్రిస్ట్‌. మానసిక చికిత్సలో ఆమెకు మూడు దశాబ్దాల అనుభవం ఉంది. ఆ నైపుణ్యాన్ని జోడించి ఓ మంచి ప్రయత్నానికి శ్రీకారం చుట్టారు.

Psychological Disorders | ముంబైలోని కింగ్‌ ఎడ్వర్డ్‌ మెమోరియల్‌ హాస్పిటల్‌లో పనిచేస్తున్న నీనా సావంత్‌ సైకియాట్రిస్ట్‌. మానసిక చికిత్సలో ఆమెకు మూడు దశాబ్దాల అనుభవం ఉంది. ఆ నైపుణ్యాన్ని జోడించి ఓ మంచి ప్రయత్నానికి శ్రీకారం చుట్టారు. ఎవరికి వారు మానసిక ఆరోగ్యాన్ని పరీక్షించుకునేలా, పరిరక్షించుకునేలా ‘సక్షం’ అనే మొబైల్‌ యాప్‌ను రూపొందించారు. యాప్‌ మూడు అంచెల్లో పనిచేస్తుంది. వివిధ ప్రశ్నల ద్వారా మన మానసిక స్థితిని తెలుసుకునే ప్రయత్నం చేస్తుంది.

కొన్ని రకాలైన సమస్యలను ఎలా ఎదుర్కోవచ్చు అనే విషయంలో సూచనలు ఇస్తుంది. పరిస్థితి ఆందోళనకరంగా అనిపిస్తే… సమీపంలోని నిపుణుల పేర్లు, ఫోన్‌ నంబర్లు అందిస్తుంది. చాలా సందర్భాల్లో మనకో, మన ఆత్మీయులకో, మన చుట్టుపక్కలవారికో మానసిక సమస్య ఉందంటే ఒప్పుకోం. ఒప్పుకొన్నా, ఆ సమస్యను నిపుణుల దాకా తీసుకెళ్లం. ‘..అలాంటివారికి అవగాహన కలిగించే ప్రయత్నమే సక్షం’ అంటారు నీనా సావంత్‌. ఈ యాప్‌ను ఉపయోగించిన వారినుంచి సానుకూల స్పందన వస్తున్నదని చెబుతారు నీనా.