నవ్యా నందం

నవ్య నవేలీ నంద.. అమితాబ్‌ మనుమరాలు. అభిషేక్‌ మేనకోడలు. ఆమె నేతృత్వంలోని ‘ప్రాజెక్ట్‌ నవేలీ’ మహిళల విద్య, ఆర్థిక స్వాతంత్య్రం తదితర అంశాలపై ప్రజల్లో చైతన్యం తీసుకొస్తున్నది. ‘ఆరా’ పేరుతో స్త్రీల ఆరోగ్యానికి సంబంధించిన స్టార్టప్‌ను స్థాపించారు నవ్య.

నవ్య నవేలీ నంద.. అమితాబ్‌ మనుమరాలు. అభిషేక్‌ మేనకోడలు. ఆమె నేతృత్వంలోని ‘ప్రాజెక్ట్‌ నవేలీ’ మహిళల విద్య, ఆర్థిక స్వాతంత్య్రం తదితర అంశాలపై ప్రజల్లో చైతన్యం తీసుకొస్తున్నది. ‘ఆరా’ పేరుతో స్త్రీల ఆరోగ్యానికి సంబంధించిన స్టార్టప్‌ను స్థాపించారు నవ్య. తనకు ఇన్‌స్టాలో పదిలక్షల పైచిలుకు అభిమానులు ఉన్నారు. ‘మహిళ విజయం కుటుంబం నుంచే మొదలవుతుంది. మా అమ్మ శ్వేత, అమ్మమ్మ జయా బచ్చన్‌ నన్ను ఏ వివక్షా తెలియకుండా పెంచారు. నన్ను నేను నిరూపించుకునే అవకాశాలు ఇచ్చారు.

ఆంత్రప్రెన్యూర్‌షిప్‌ వైపు అడుగులు వేయించారు. చాలా మంది అమ్మాయిలకు కుటుంబసభ్యుల నుంచే మద్దతు దొరకడం లేదు’ అంటారు నవ్య. ‘నేను మరీ క్రమశిక్షణగా ఉండను కానీ, ఏ పని అయినా ఓ పద్ధతిగా జరగాలని కోరుకుంటాను’ అంటూ నవ్వేస్తారు. బాలికలకు తమ శరీరం గురించి, సమాజం గురించి, ఆత్మరక్షణ పద్ధతుల గురించి తెలియజేయడానికి ఓ వినూత్నమైన మార్గాన్ని ఎంచుకున్నారు. కామిక్‌ బుక్స్‌ రూపంలో ఆ విషయాలను జనం ముందుకు తెచ్చారు. ‘టింకిల్‌’ పత్రిక సౌజన్యంతో ఓ ప్రత్యేక సంచిక ఆవిష్కరించారు.