జైస్వాల్‌ సూపర్‌ సెంచరీ రెండో టెస్టు డ్రా

కొంతకాలంగా ఫామ్‌లేమితో తంటాలు పడుతున్న టెస్టు ఓపెనర్‌ యశస్వి జైస్వాల్‌ (162 బంతుల్లో 15 ఫోర్లు, 5 సిక్స్‌లతో 155 నాటౌట్‌) కీలకమైన న్యూజిలాండ్‌తో టెస్టు సిరీస్‌కు ముందు సత్తాచాటాడు.

క్రైస్ట్‌చర్చ్‌: కొంతకాలంగా ఫామ్‌లేమితో తంటాలు పడుతున్న టెస్టు ఓపెనర్‌ యశస్వి జైస్వాల్‌ (162 బంతుల్లో 15 ఫోర్లు, 5 సిక్స్‌లతో 155 నాటౌట్‌) కీలకమైన న్యూజిలాండ్‌తో టెస్టు సిరీస్‌కు ముందు సత్తాచాటాడు. న్యూజిలాండ్‌-ఏతో జరిగిన రెండో అనధికారిక టెస్టు ఆఖరి రోజు అతడు వన్డే తరహా ఆట ఆడి అజేయ శతకంతో రెచ్చిపోగా ఈ మ్యాచ్‌ను భారత్‌-ఏ డ్రా గా ముగించింది. నాలుగో రోజు ఓవర్‌నైట్‌ స్కోరు 32/0తో ఆడిన భారత్‌కు జైస్వాల్‌తో పాటు యశ్‌ రాథోడ్‌ (100 నాటౌట్‌) సెంచరీతో మెరువగా రెండో ఇన్నింగ్స్‌లో భారత్‌ 52.4 ఓవర్లకు 282/2 స్కోరు చేసింది. ఫలితం తేలదని తెలిసినా నాలుగో రోజు టీ తర్వాత రాథోడ్‌ సెంచరీ చేయగానే ఇరుజట్ల ప్లేయర్లు షేక్‌ హ్యాండ్‌ ఇచ్చుకోవడంతో మ్యాచ్‌ ముగిసింది.