Yashasvi Jaiswal: ద్రావిడ్‌ను దాటేసిన‌ య‌శ‌స్వి జైస్వాల్

Yashasvi Jaiswal: జైస్వాల్ మ‌ళ్లీ ఫామ్‌లోకి వ‌చ్చేశాడు. ముంబైపై సెంచ‌రీ కొట్టిన అత‌ను ఆ క్ర‌మంలో త‌న ఖాతాలో ఓ రికార్డు వేసుకున్నాడు. ఆర్ఆర్ ఫ్రాంచైజీ త‌ర‌పున అత్య‌ధిక ర‌న్స్ చేసిన అయిద‌వ బ్యాట‌ర్‌గా నిలిచాడు. ద్రావిడ్‌ను జైస్వాల్ దాటేశాడు.

జైపూర్: రాజ‌స్థాన్ రాయ‌ల్స్ ఓపెన‌ర్ య‌శ‌స్వి జైస్వాల్(Yashasvi Jaiswal) ఆ జ‌ట్టు త‌ర‌పున అత్య‌ధిక ప‌రుగులు చేసిన అయిద‌వ బ్యాట‌ర్‌గా నిలిచాడు. ఈ క్ర‌మంలో అత‌ను రాహుల్ ద్రావిడ్‌ను దాటేశాడు. ఆర్ఆర్ ఫ్రాంచైజీ త‌ర‌పున అత్య‌ధిక ర‌న్స్ చేసిన అయిద‌వ బ్యాట‌ర్‌ జైస్వాల్ అయ్యాడు. ముంబై ఇండియ‌న్స్‌తో జ‌రిగిన మ్యాచ్‌ స‌మ‌యంలో అత‌ను ఆ రికార్డును సాధించాడు. ఈ మ్యాచ్‌లో జైస్వాల్ 60 బంతుల్లో 104 ర‌న్స్ చేశాడు.

ఆర్ఆర్ త‌ర‌పున జైస్వాల్ ఇప్ప‌టి వ‌ర‌కు 45 మ్యాచ్‌లు ఆడాడు. దీంట్లో అత‌ను 1397 ర‌న్స్ స్కోర్ చేశాడు. స్కోరింగ్ యావ‌రేజ్ 32.48గా ఉంది. అత‌ని స్ట్ర‌యిక్ రేట్ 150.05. దీంట్లో రెండు సెంచ‌రీలు, 8 ఫిఫ్టీలు ఉన్నాయి. అత‌ని బెస్ట్ స్కోర్ 124.

మ‌రో వైపు ఆర్ఆర్ త‌ర‌పున రాహుల్ ద్రావిడ్ 52 మ్యాచ్‌లు ఆడాడు. ఆ మ్యాచుల్లో అత‌ను 1324 ర‌న్స్ స్కోర్ చేశాడు. 27.02 యావ‌రేజ్‌తో ద్రావిడ్ స్కోరింగ్ చేశాడు. అత‌ని స్ట్ర‌యిక్ రేట్ 108.88గా ఉంది. ద్రావిడ్ త‌న కెరీర్‌లో ఏడు హాఫ్ సెంచ‌రీలు కొట్టాడు. బెస్ట్ స్కోర్ 66.

రాజ‌స్తాన్ రాయ‌ల్స్ త‌ర‌పున అత్య‌ధిక ర‌న్స్ చేసిన బ్యాట‌ర్‌గా సంజూ శాంస‌న్ నిలిచాడు. అత‌ను 138 మ్యాచుల్లో 3717 ర‌న్స్ స్కోర్ చేశాడు. యావ‌రేజ్ 31.50గా ఉంది. స్ట్ర‌యిక్ రేట్ 13978. దీంట్లో రెండు సెంచ‌రీలు, 23 ఫిఫ్టీలు ఉన్నాయి. అత‌ని బెస్ట్ స్కోర్ 119.

ఈ సీజ‌న్‌లో ఆర్ఆర్ త‌ర‌పున జైస్వాల్ 225 ర‌న్స్ స్కోర్ చేశాడు. 32.14 యావ‌రేజ్‌తో అత‌ను బ్యాటింగ్ చేశాడు. స్ట్ర‌యిక్ రేట్ 157.34గా ఉంది. దీంట్లో ఓ సెంచ‌రీ ఉన్న‌ది.