విశ్వజీత్‌ రజత చరిత్ర

భారత యువ రెజ్లర్‌ విశ్వజీత్‌ రామచంద్ర మోరె సరికొత్త చరిత్ర లిఖించాడు.

లాస్‌వెగాస్‌ (యూఎస్‌ఏ): భారత యువ రెజ్లర్‌ విశ్వజీత్‌ రామచంద్ర మోరె సరికొత్త చరిత్ర లిఖించాడు. అండర్‌ -23 వరల్డ్‌ రెజ్లింగ్‌ చాంపియన్‌షిప్స్‌లో రజతం నెగ్గి ఈ ఘనత సాధించి భారత తొలి గ్రీకో రోమన్‌ రెజ్లర్‌గా రికార్డులకెక్కాడు. పురుషుల 55 కేజీ విభాగంలో తను ఈ పతకం నెగ్గాడు.

గురువారం హోరాహోరీగా జరిగిన తుదిపోరులో విశ్వజీత్‌ 12-13తో జార్జియాకు చెందిన కొబా కరుమిడ్జె చేతిలో పోరాడి ఓడి తృటిలో స్వర్ణాన్ని కోల్పోయాడు. గతంలో విశ్వజీత్‌ ఇదే టోర్నీలో రెండు కాంస్యాలు సాధించగా తాజా ఎడిషన్‌లో పతకం రంగు మార్చడం గమనార్హం. ఇక మహిళల కేటగిరీ సెమీస్‌ పోటీల్లో ఓడిన కోమల్‌, దీక్షా మాలిక్‌ కాంస్య రేసులో నిలిచారు.