థీమ్‌ నిష్క్రమణ

• ఫెంచ్‌ ఓపెన్‌ గ్రాండ్‌స్లామ్‌
• జ్వెరెవ్‌ ముందంజ

పారిస్‌: ప్రతిష్ఠాత్మక ఫ్రెంచ్‌ ఓపెన్‌ గ్రాండ్‌స్లామ్‌లో ఆస్ట్రియా టెన్నిస్‌ స్టార్‌ డొమినిక్‌ థీమ్‌కు పరాభవం ఎదురైంది. తొలి రౌండ్‌లోనే చేదు ఫలితంతో థీమ్‌ టోర్నీ నుంచి నిష్క్రమించాడు. ఆదివారం జరిగిన పురుషుల సింగిల్స్‌ తొలి రౌండ్‌లో థీమ్‌ 3-6, 2-6, 4-6 తేడాతో హ్యుగో డెల్లియన్‌ (బొలివియా) చేతిలో పరాజయం పాలయ్యాడు. అనవసర తప్పిదాలతో వరుసగా మూడు సెట్లను చేజార్చుకున్న థీమ్‌ తన ఖాతాలో వరుసగా పదో పరాజయాన్ని నమోదు చేసుకున్నాడు. ఒక దశలో టాప్‌-3 స్థాయికి చేరేలా కనిపించిన థీమ్‌.. రోజు రోజుకు తీసికైట్టెన ఆట తీరుతో నిరాశ పరుస్తున్నాడు. ఒకానొక సమయంలో ప్రపంచ మూడో ర్యాంక్‌కు దూసుకొచ్చిన థీమ్‌ ప్రస్తుతం పేలవ ఆటతీరుతో 194వ స్థానానికి పడిపోయాడు. గతేడాది గాయపడ్డ థీమ్‌ ఆ తర్వాత లయ అందుకోలేకపోయాడు. మరో మ్యాచ్‌లో మూడో సీడ్‌ అలెగ్జాండర్‌ జ్వెరెవ్‌ 6-2, 6-4, 6-4తో ఒఫ్నర్‌ను చిత్తు చేశాడు. ప్రత్యర్థి నుంచి ఏమాత్రం ప్రతిఘటన ఎదురుకాకపోవడంతో జ్వెరెవ్‌ వరుస సెట్లలో విజృంభించాడు. ఇతర మ్యాచ్‌ల్లో దిమిత్రోవ్‌, జాన్‌ ఇస్నర్‌, స్వార్ట్‌మన్‌ ముందంజ వేయగా.. మహిళల సింగిల్స్‌లో సక్కరి, కనేపి, స్టిఫెన్స్‌ శుభారంభం చేశారు.