Gautam Gambhir: గంభీర్ ఎమోష‌న్స్… డ్రెస్సింగ్ రూమ్‌లో ఆ సంబురం చూడాల్సిందే.. వీడియో

Gautam Gambhir: ఓవ‌ల్‌లో ఎమోష‌న్స్ ఆపుకోలేక‌పోయాడు గంభీర్‌. ఉత్కంఠ రేపిన ఆ మ్యాచ్‌లో ఇండియా విక్ట‌రీ కొట్ట‌గానే.. డ్రెస్సింగ్ రూమ్‌లో ఉన్న కోచ్ గంభీర్ ఆ సంద‌ర్భాన్ని ఎంజాయ్ చేశాడు. ఎగిరేసి మోర్క‌ల్‌ను హ‌త్తుకున్నాడు. బీసీసీఐ వీడియో షేర్ చేసింది.

ఓవ‌ల్ : ఇంగ్లండ్‌తో జ‌రిగిన ఓవ‌ల్ టెస్టులో టీమిండియా ఉత్కంఠ రీతిలో ఆరు ప‌రుగుల తేడాతో విజ‌యం సాధించిన విష‌యం తెలిసిందే. స్ట‌న్నింగ్ విక్ట‌రీ కొట్టిన టీమిండియా.. ఆ సిరీస్‌ను డ్రా చేసుకున్న‌ది. అయితే ఓవ‌ల్ టెస్టు చివ‌రి రోజు .. ర‌స‌వ‌త్త‌రంగా సాగింది. హైద‌రాబాద్ స్టార్ బౌల‌ర్ సిరాజ్ సెన్షేన్ క్రియేట్ చేసి ఇండియాకు విక్ట‌రీని అందించాడు. త్రీవ టెన్ష‌న్ పుట్టించిన ఆ మ్యాచ్‌ను.. భార‌త కోచ్ గౌతం గంభీర్‌(Gautam Gambhir), ఇత‌ర టీమిండియా స‌భ్యులు.. డ్రెస్సింగ్ రూమ్ నుంచి వీక్షించారు. చివ‌ర‌లో వికెట్లు ప‌డుతున్న స‌మ‌యంలో.. కోచ్‌లు ఫుల్ టెన్ష‌న్ ఫీల‌య్యారు. గంభీర్‌తో పాటు బౌలింగ్ కోచ్ మోర్నే మోర్క‌ల్ కూడా ఈ సంద‌ర్భంలో ఉద్విగ్న క్ష‌ణాల‌ను ఎదుర్కొన్నారు. గ‌స్ అట్కిన్స‌న్ వికెట్‌ను తీసిన త‌ర్వాత‌.. డ్రెస్సింగ్ రూమ్‌లో సంబ‌రాలు ఆకాశాన్నంటాయి.

సాధార‌ణంగా గంభీర్ పెద్ద‌గా న‌వ్వ‌డు. ఆయ‌న స్మైల్ ఇచ్చే సంద‌ర్భాలు త‌క్కువ‌. కానీ ఓవ‌ల్ టెస్టు మ్యాచ్ గెలిచిన క్ష‌ణంలో .. అత‌ను సెల‌బ్రేట్ చేసుకున్న తీరు ఉద్విగ్న‌భ‌రితం. అత‌ని కండ్ల‌ల్లో క‌న్నీళ్లు ఆగ‌లేదు. ఇక ఆనందం ప‌ట్ట‌లేక గంభీర్ గంతులేశాడు. బౌలింగ్ కోచ్ మోర్నీ మోర్క‌ల్ మీద‌కు జంప్ చేసి హ‌త్తుకున్నాడు. గ‌ట్టిగా అరుస్తూ ఆ విక్ట‌రీని ఆస్వాదించాడు. కండ్లు ఆనంద‌భాష్పాల‌తో నిండిపోయాయి. అయితే డ్రెస్సింగ్ రూమ్ ఎమోష‌న్స్‌కు చెందిన‌ వీడియోను బీసీసీఐ షేర్ చేసింది.

𝗕𝗲𝗹𝗶𝗲𝗳. 𝗔𝗻𝘁𝗶𝗰𝗶𝗽𝗮𝘁𝗶𝗼𝗻. 𝗝𝘂𝗯𝗶𝗹𝗮𝘁𝗶𝗼𝗻!

Raw Emotions straight after #TeamIndia‘s special win at the Kennington Oval 🔝#ENGvIND pic.twitter.com/vhrfv8ditL

— BCCI (@BCCI) August 4, 2025