Suresh Raina : ధోనీతోనే రిటైర్‌ ఎందుకు అయ్యానంటే..? : సురేశ్‌ రైనా

Suresh Raina : ది జరిగిన కాస్సేపటికే మరో క్రికెటర్‌ సురేశ్‌ రైనా (Suresh Raina) కూడా తన రిటైర్మెంట్‌ ప్రకటన చేశారు. చెన్నైలోని చైన్నై సూపర్‌కింగ్స్‌ క్యాంప్‌లో చేరిన కొద్దిసేపటికే వీరిద్దరి రిటైర్మెంట్‌ ప్రకటనలు వెలువడ్డాయి...

August 15, 2021 / 05:59 PM IST

Suresh Raina : ధోనీతోనే రిటైర్‌ ఎందుకు అయ్యానంటే..? : సురేశ్‌ రైనా

అంతర్జాతీయ క్రికెట్‌ నుంచి మహేంద్ర సింగ్‌ ధోనీ రిటైర్మెంట్‌ ప్రకటించి ఇవాల్టికి సరిగ్గా ఏడాది గడిచింది. ఆగస్ట్‌ 15 వ తేదీ నాడు ధోనీ తన రిటైర్మెంట్‌ ప్రకటించి క్రికెట్‌ అభిమానులను ఆశ్చర్యంలో ముంచెత్తారు. ఇది జరిగిన కాస్సేపటికే మరో క్రికెటర్‌ సురేశ్‌ రైనా (Suresh Raina) కూడా తన రిటైర్మెంట్‌ ప్రకటన చేశారు. చెన్నైలోని చైన్నై సూపర్‌కింగ్స్‌ క్యాంప్‌లో చేరిన కొద్దిసేపటికే వీరిద్దరి రిటైర్మెంట్‌ ప్రకటనలు వెలువడ్డాయి. ధోనీ తన 15 ఏండ్ల అంతర్జాతీయ కెరీర్‌లో 90 టెస్ట్‌లు, 350 వన్డేలు, 98 టీ20 లు ఆడారు. కాగా, సురేశ్‌ రైనా తన 14 ఏండ్ల కెరీర్‌లో 18 టెస్ట్‌లు, 226 వన్డేలు, 78 టీ20లు, 200 ఐపీఎల్‌ మ్యాచులు ఆడారు. అయితే, ధోనీ రిటైర్మెంట్‌ ప్రకటించిన రోజునే తాను కూడా రిటైర్ అవుతున్నట్లు ప్రకటన చేయడంపై సీక్రేట్స్‌ ఏవీ లేవని.. అసలెందుకు అలా ప్రకటించాల్సి వచ్చిందో ఇన్నాళ్లకు రైనా తెలిపాడు.

‘రిటైర్మెంట్‌ ప్రకటన చేయాలని ముందుగానే ఇద్దరమూ కూడబలుక్కుని నిర్ణయం తీసుకున్నాం. అందుకు తగినట్లుగా మా మెదడును మలుచుకున్నాం. ధోనీ జెర్సీ నంబర్‌ 7.. నా జెర్సీ నంబర్‌ 3. ఇద్దరి నంబర్లు ఒకచోట చేరిస్తే 73. అప్పుడు 73 స్వాతంత్య్ర దినోత్సవం వచ్చినందున 73 నంబర్‌కు విశ్రాంతి కల్పిస్తే బాగుంటుందనుకున్నాం. అలాగే సరిగ్గా 73వ స్వాతంత్య్ర దినోత్సవం రోజునే ధోనీ, నేనూ రిటైర్మెంట్‌ ప్రకటన చేశాం’ అని సురేశ్‌ రైనా చెప్పారు. ‘ధోనీ తన కెరీర్‌ను 2004 డిసెంబర్‌ 23 న ప్రారంభించగా.. ఆరు నెలలు ఆలస్యంగా నేను జట్టులోకి వచ్చాను. అంతర్జాతీయ క్రికెట్‌ను ఇద్దరం కలిసి దాదాపు ఒకేసారి ప్రారంభించినందున మా ఇద్దరిలో స్నేహం పెరిగింది. రిటైర్‌ తీసుకున్న తర్వాత సీఎస్‌కేలో కూడా కలిసే ఉన్నాం. అంతర్జాతీయ కెరీర్‌ ముగిసినా.. ఐపీఎల్‌లో మాత్రం ఇద్దరం కలిసే ఆడతాం’ అని రైనా చెప్పుకొచ్చారు.