Australian Open | రెండో రౌండ్‌లోనే నాగ‌ల్ ఇంటికి.. బోప‌న్న జోడీ ముందంజ‌

Australian Open : ప్ర‌తిష్ఠాత్మ‌క‌ ఆస్ట్రేలియ‌న్ ఓపెన్‌(Australian Open)లో భార‌త యువ కెర‌టం సుమిత్ నాగ‌ల్(Sumit Nagal) పోరాటం ముగిసింది. తొలి రౌండ్‌లో సీడెడ్ ఆట‌గాడికి షాకిచ్చిన‌ నాగ‌ల్ రెండో రౌండ్‌లోనే వెనుదిరిగాడు. గురువారం జ‌రిగిన మ్యాచ్‌లో చైనాకు

January 18, 2024 / 02:59 PM IST

Australian Open | రెండో రౌండ్‌లోనే నాగ‌ల్ ఇంటికి.. బోప‌న్న జోడీ ముందంజ‌

Australian Open : ప్ర‌తిష్ఠాత్మ‌క‌ ఆస్ట్రేలియ‌న్ ఓపెన్‌(Australian Open)లో భార‌త యువ కెర‌టం సుమిత్ నాగ‌ల్ (Sumit Nagal) పోరాటం ముగిసింది. తొలి రౌండ్‌లో సీడెడ్ ఆట‌గాడికి షాకిచ్చిన‌ నాగ‌ల్ రెండో రౌండ్‌లోనే వెనుదిరిగాడు. గురువారం జ‌రిగిన మ్యాచ్‌లో చైనాకు చెందిన జున్‌చెన్ షాంగ్(Juncheng Shang) ధాటికి చేతులెత్తేశాడు. తొలి సెట్ గెలుపొందిన నాగ‌ల్ ఆ త‌ర్వాత ప్ర‌భావం చూప‌లేక‌పోయాడు.

చివ‌రి మూడు సెట్లలో జోరు చూపించిన షాంగ్ 2-6, 6-3, 7-5, 6-4తో గెలుపొందాడు. దాంతో, నాగ‌ల్ నిరాశగా ఇంటిదారి ప‌ట్టాడు. మ‌రోవైపు రోహ‌న్ బోపన్న‌, మాథ్యూ ఎబ్బెన్ జోడీ రెండో రౌండ్‌కు దూసుకెళ్లింది. జేమ్స్ డ‌క్‌వ‌ర్త్, మార్క్ పొల్మ‌న‌స్ ద్వ‌యంపై అద్భుత విజ‌యం సాధించింది.

What an atmosphere on Court 13!

Jungcheng Shang advances to the third round of a Grand Slam for the first time in his career, defeating a gallant Sumit Nagal 2-6 6-3 7-5 6-4 🙌#AusOpen #AO2024 pic.twitter.com/GM3AyqUk0W

— #AusOpen (@AustralianOpen) January 18, 2024

వైల్డ్ కార్డ్ ద్వారా ఆస్ట్రేలియ‌న్ ఓపెన్‌()లో ఎంట్రీ ఇచ్చిన నాగ‌ల్ తొలి రౌండ్‌లో క‌జ‌కిస్థాన్ ఆట‌గాడు అలెగ్జాండ‌ర్ బ‌బ్లిక్‌(Alexander Bublik)పై గెలుపొందాడు. 31వ‌ ర్యాంక‌ర్ నాగ‌ల్ 6-4, 6-2, 7-6తో బ‌బ్లిక్‌ను చిత్తు చేశాడు. దాంతో, మూడేండ్ల త‌ర్వాత ఒక గ్రాండ్‌స్లామ్ టోర్నీలో రెండో రౌండ్‌కు దూసుకెళ్లాడు. అంతేకాదు గ్రాండ్‌స్లామ్ చ‌రిత్రలో సీడెడ్ ప్లేయ‌ర్‌ను ఓడించిన రెండో భార‌తీయుడిగా నాగ‌ల్ రికార్డు నెల‌కొల్పాడు. 1988లో ర‌మేశ్ కృష్ణ‌న్(Ramesh Krishnana) తొలిసారి ఈ ఫీట్ సాధించాడు. అయితే.. మూడో రౌండ్‌కు చేరితే ప్ర‌కాశ్ త‌ర్వాత ఈ ఘ‌న‌త సాధించిన రెండో భార‌త ఆట‌గాడిగా నాగ‌ల్ మ‌రో రికార్డు సృష్టించేవాడు.