Visit:
ఇఫో(మలేషియా) : సుల్తాన్‌ అజ్లాన్‌షా హాకీ టోర్నీలో భారత్‌ ఫైనల్లోకి దూసుకెళ్లింది. శనివారం జరిగిన ఆఖరి లీగ్‌ మ్యాచ్‌లో భారత్‌ 14-3 తేడాతో కెనడాపై ఘన విజయం సాధించింది. తద్వారా పూల్‌లో టాప్‌లో నిలిచిన టీమ్‌ఇండియా తుదిపోరులో నిలిచింది. తమ తొలిమ్యాచ్‌లో బెల్జియం చేతిలో భారత్‌ ఆ తర్వాత అద్భుతంగా పుంజుకుంది. ఆదివారం జరిగే టైటిల్‌ పోరులో బెల్జియంతో భారత్‌ తలపడనుంది.
కెనడాతో ఏకపక్ష పోరు విషయానికొస్తే..జుగ్‌రాజ్‌సింగ్‌(11ని, 25ని, 38ని, 49ని) ఏకంగా నాలుగు గోల్స్‌తో దుమ్మురేపాడు. నీలకంఠశర్మ(3ని)..టీమ్‌ఇండియాకు తొలి గోల్‌ అందించగా, రాజిందర్‌(9ని, 23ని), అమిత్‌ రోహిదాస్‌(14ని, 45ని), అభిషేక్‌(56ని, 58ని), దిల్‌ప్రీత్‌సింగ్‌(24ని), సెల్వమ్‌ కార్తి(42ని), సంజయ్‌(55ని) విజృంభించారు.
