లిఫ్ట్‌లో చిక్కుకున్న ఆస్ట్రేలియా వైస్ కెప్టెన్‌.. గంట సేపు టెన్ష‌న్‌లో స్టీవ్ స్మిత్

మెల్‌బోర్న్‌: ఆస్ట్రేలియా క్రికెట‌ర్ స్టీవ్ స్మిత్ ఓ విచిత్ర ప‌రిస్థితిని ఎదుర్కొన్నాడు. టీమ్‌ బ‌స చేస్తున్న హోట‌ల్ లిఫ్ట్‌లో అత‌ను ఇరుక్కున్నాడు. దాదాపు గంట సేపు లిఫ్ట్‌లోనే ఉండిపోయాడు. సుమారు 55 నిమిషాల పాటు లిఫ్ట్‌లో చిక్కుకున్న‌ట్లు స్టీవ్ స్మిత్ త‌న ఇన్‌స్టా స్టోరీస్‌లో తెలిపాడు. మెల్‌బోర్న్‌లో ఉన్న పార్క్ హైయ‌త్ హోటల్‌లో ఈ ఘ‌ట‌న జ‌రిగింది. ఎలివేట‌ర్‌లోనే 55 నిమిషాల పాటు ఉన్న స్మిత్‌.. త‌న ఇన్‌స్టాగ్రామ్ స్టోరీలో ప్ర‌తి క్ష‌ణం అప్‌డేట్ ఇస్తూ వెళ్లాడు. ఆసీస్ ప్లేయ‌ర్ మార్న‌స్ ల‌బుషేన్ మ‌రో వైపు నుంచి లిఫ్ట్ డోర్‌ను తీసే ప్ర‌య‌త్నం చేసినా విఫ‌ల‌మ‌య్యాడు. టెక్నీషియ‌న్ వ‌చ్చిన త‌ర్వాతే .. ఎలివేట‌ర్ త‌లుపులు తెరుచుకున్నాయి. అయితే ఈ స‌మ‌యంలో డోర్ల సందు నుంచి ల‌బుషేన్ ఇచ్చిన చాక్లెట్ల‌ను స్టీవ్ ఎంజాయ్ చేశాడు.

Content we want more of: Steve Smith stuck in a lift 🤣 [H/T @abi_slade] pic.twitter.com/ZhzuTXmYJZ

— Cricket Shouts 🏏 (@crickshouts) December 30, 2021