Visit:
AUS vs BAN : ఆస్ట్రేలియా గడ్డపై చరిత్రాత్మక విజయం సాధించిన బంగ్లాదేశ్ రెండో టెస్టులో తేలిపోయింది. తొలి సెషన్ మొదలైందో లేదో మిచెల్ స్టార్క్(6-12) నిప్పులు చెరగడంతో 12 పరుగులకే సగం వికెట్లు కోల్పోయిన బంగ్లా ఏ దశలోనూ కోలుకోలేదు. మరో ఎండ్లో కమిన్స్(3-25) సైతం చెలరేగగా లంచ్ తర్వాత పర్యాటక జట్టు ఇన్నింగ్స్ ముగిసింది. సంచలన బౌలింగ్తో స్టార్క్ బెంబేలెత్తించగా 64 పరుగులకే బంగ్లా కుప్పకూలింది.
డార్విన్ టెస్టులో ఓటమితో రగిలిపోతున్న ఆస్ట్రేలియా పంజా విసిరింది. మెక్కేలో టాస్ ఓడి బ్యాటింగ్కు దిగిన బంగ్లాదేశ్ను మిచెల్ స్టార్క్(6-12) ఆదిలోనే గట్టిదెబ్బ కొట్టాడు. ఇన్నింగ్స్ మొదటి బంతికే ఓపెనర్ షద్మాన్ ఇస్లాం(0)ను ఔట్ చేసి ఆసీస్కు బ్రేకిచ్చాడు. ఆ తర్వాతి ఓవర్లో వరస బంతుల్లో గత మ్యాచ్ సెంచరీ హీరో తంజిద్ హసన్(0), కెప్టెన్ నజ్ముల్ హుసేన్ శాంటో(0)లను వెనక్కి పంపాడు స్టార్క్.
A wicket first-ball from Mitchell Starc set the tone for Australia’s domination https://t.co/er1eeItXeu #AUSvBAN pic.twitter.com/al3f8xjn8R
— Cricinfo (@cricinfo) August 22, 2026
మెయిడెన్ ఓవర్లతో బంగ్లాను బెంబేలెత్తించిన ఈ స్పీడ్స్టర్ కాసేపటికే మొమినుల్ హక్(9), లిటన్ దాస్(0)లను పెవిలియన్ చేర్చాడు. దాంతో, చూస్తుండగానే 12 పరుగులకే సగం మంది బ్యాటర్లు వెనుదిరిగారు. వీరిలో నలుగురు డకౌటయ్యారు. అనంతరం కమిన్స్(3-25) ఓవర్లో ముష్ఫికర్ రహీం(5) ఔటవ్వగా ఆరో వికెట్ కోల్పోయింది పర్యాటక జట్టు.
అనంతరం మెహిది హసన్ మిరాజ్(4), హసన్ మహమూద్(3)లు ఆచితూచి ఆడగా 35\6తో లంచ్కు వెళ్లింది బంగ్లా. కానీ కమిన్స్ మరో ఎండ్ నుంచి వికెట్లు తీయగా.. 64 పరుగులకే బంగ్లా తొలి ఇన్నింగ్స్ ముగిసింది. ప్రధాన ఆటగాళ్లు విఫలమవ్వగా.. పదో నంబర్ బ్యాటర్ షొరిఫుల్ ఇస్లాం 14 రన్స్తో టాప్ స్కోరర్గా నిలిచాడు.
Five in no time for Starc ⚡️
(via @cricketcomau) pic.twitter.com/Bsj5iWklyS
— Cricinfo (@cricinfo) August 22, 2026
