సురభికి రజతం

తిరువనంతపురం వేదికగా జరుగుతున్న జాతీయ సీనియర్‌ షూటింగ్‌ చాంపియన్‌షిప్‌లో రాష్ట్ర యువ షూటర్‌ రాపోలు సురభి భరద్వాజ్‌ అదరగొడుతున్నది. ఇప్పటికే ఈ టోర్నీలో పసిడి పతకంతో మెరిసిన సురభి తాజాగా మరో రజతాన్ని తన ఖాతాలో వేసుకుంది.

• జాతీయ షూటింగ్‌ చాంపియన్‌షిప్‌

తిరువనంతపురం: తిరువనంతపురం వేదికగా జరుగుతున్న జాతీయ సీనియర్‌ షూటింగ్‌ చాంపియన్‌షిప్‌లో రాష్ట్ర యువ షూటర్‌ రాపోలు సురభి భరద్వాజ్‌ అదరగొడుతున్నది. ఇప్పటికే ఈ టోర్నీలో పసిడి పతకంతో మెరిసిన సురభి తాజాగా మరో రజతాన్ని తన ఖాతాలో వేసుకుంది.

శుక్రవారం జరిగిన మహిళల 50మీటర్ల రైఫిల్‌ ప్రోన్‌ ఈవెంట్‌లో సురభి సత్తాచాటింది. ఆఖరి వరకు ఉత్కంఠగా సాగిన పోరులో ఈ యువ షూటర్‌ 622.7 పాయింట్లతో రెండో స్థానంలో నిలిచి రజతాన్ని సొంతం చేసుకుంది. ప్రియ (624.5), మీనా కుమారి (621.7) వరుసగా స్వర్ణ, కాంస్య పతకాలు కైవసం చేసుకున్నారు.