Visit:
Rohit Sharma | టీమిండియా మాజీ కెప్టెన్ రోహిత్ శర్మ ప్రపంచ రికార్డును నెలకొల్పాడు. వన్డేల్లో అత్యధిక సిక్సర్లు బాదిన బ్యాట్స్‌మన్‌గా నిలిచాడు. దక్షిణాఫ్రికాతో జరిగిన తొలి వన్డేలో అతను ఈ ఘనత సాధించాడు. ఈ మ్యాచ్‌కు ముందు రోహిత్ ఈ ఘనత సాధించడానికి మూడు సిక్సర్ల దూరంలో ఉన్నాడు. మ్యాచ్‌లో మూడు సిక్సర్లు బాది.. పాకిస్తాన్‌ ఆల్‌రౌండర్‌ షాహిద్‌ అఫ్రిదిని అధిగమించాడు.
దక్షిణాఫ్రికాతో రాంచీ వేదికగా జరుగుతున్న తొలి వన్డేలో రోహిత్ శర్మ, విరాట్‌ అద్భుతంగా బ్యాటింగ్‌ చేశారు.
రోహిత్ శర్మ 51 బంతుల్లో ఐదు ఫోర్లు, మూడు సిక్సర్ల సహాయంతో 57 పరుగులు చేసి అవుట్‌ అయ్యాడు. విరాట్‌తో కలిసి రెండో వికెట్‌కు 109 బంతుల్లో 136 పరుగులు జోడించి అవుట్‌ అయ్యాడు. రోహిత్ ఆరంభంలో అవుట్‌ అయ్యే ప్రమాదం నుంచి బయటపడ్డాడు. దాన్ని సద్వినియోగం చేసుకున్న రోహిత్.. హాఫ్‌ సెంచరీ చేశాడు. ఆస్ట్రేలియా పర్యటనలో మంచి ఫామ్‌లో మంచి ఫామ్‌లో ఉన్న రోహిత్ దక్షిణాఫ్రికాతో మ్యాచ్‌లోనూ అదే ఊపును కొనసాగించాడు. పాక్‌ మాజీ కెప్టెన్ అఫ్రిది తన వన్డే కెరీర్‌లో 351 సిక్సర్లు బాదాడు. రోహిత్ శర్మ ఈ ఫార్మాట్‌లో 352 సిక్సర్లు బాది వెనక్కి నెట్టాడు.
