Wasim Jaffer | పూజారా బాజ్‌బాల్ కాగ‌ల‌డు.. కానీ, బాజ్‌బాల్ పూజారా కాలేదు : వ‌సీం జాఫ‌ర్

మెక్‌క‌ల్ల‌మ్ ఇంగ్లండ్ జ‌ట్టు హెడ్ కోచ్ అయ్యాక బాజ్‌బాల్ ప‌దం వాడుక‌లోకి వ‌చ్చింది

Wasim Jaffer : బంగ్లాదేశ్‌తో రెండో ఇన్నింగ్స్‌లో వేగ‌వంత‌మైన సెంచ‌రీ చేసిన ఛ‌తేశ్వ‌ర్ పూజారాపై మాజీ క్రికెట‌ర్లు ప్ర‌శంస‌లు కురిపిస్తున్నారు. త‌న స‌హ‌జ స్వ‌భావానికి విరుద్ధంగా ఆడిన అత‌ను కేవలం 130 బంతుల్లోనే శ‌త‌కం సాధించాడు. దాంతో పూజారాపై మాజీ ఆట‌గాడు వ‌సీం జాఫ‌ర్ ఆస‌క్తిక‌ర కామెంట్లు చేశాడు. యారా ఓ యారా.. లారాను చూసి ఇన్‌స్పైర్ అయ్యాడేమో.. పూజారా బాజ్‌బాల్ కాగ‌ల‌డు. కానీ బాజ్‌బాల్ పూజారా కాలేదు అంటూ స‌ర‌దాగా వ్యాఖ్యానించాడు. పూజారాపై సోష‌ల్ మీడియాలోనూ అభినంద‌న‌లు వెల్లువెత్తుతున్నాయి. పూజారా ఫ‌స్ట్ ఇన్నింగ్స్‌లో 90 ప‌రుగుల‌కు అవుట్ అయ్యాడు. మూడు సంవ‌త్స‌రాలుగా శ‌త‌కం కోసం నిరీక్షిస్తున్న అత‌ను రెండో ఇన్నింగ్స్‌లో ఏ పొర‌పాటు చేయ‌లేదు. బంగ్లా బౌల‌ర్ల‌ను స‌మ‌ర్థంగా ఎదుర్కొంటూ త‌న ప‌రుగుల దాహం తీర్చుకున్నాడు. బ్రెండ‌న్ మెక్‌క‌ల్ల‌మ్ ఇంగ్లండ్ జ‌ట్టు హెడ్ కోచ్ అయ్యాక బాజ్‌బాల్ అనే ప‌దం వాడుక‌లోకి వ‌చ్చింది. అత‌డిని అంద‌రూ ముద్దుగా బాజ్ అని పిలుస్తారు. అత‌ని స‌ల‌హాల‌తో ఇంగ్లండ్ జ‌ట్టు టెస్టుల్లో వేగంగా ఆడ‌డం అల‌వ‌ర్చుకుంది.

నెమ్మ‌దిగా ఆడ‌తాడు.. స్ట్రైక్ రేట్ చాలా త‌క్కువ ఉంటుంద‌ని పూజారాను కొంద‌రు విమ‌ర్శిస్తుంటారు. వాళ్ల మాట‌ల‌కు చెక్ పెడుతూ రెండో ఇన్నింగ్స్‌లో పూజారా అద్భుత ఇన్నింగ్స్ ఆడాడు. 87 బంతుల్లో అర్థ సెంచరీ చేసిన అత‌ను సెంచ‌రీకి చేరుకునేందుకు 43 బంతులు మాత్ర‌మే తీసుకున్నాడు. టెస్టుల్లో అత‌నికి ఇది 19వ శ‌త‌కం. 258 ర‌న్స్ వ‌ద్ద కేఎల్ రాహుల్ భార‌త‌ ఇన్నింగ్స్‌ను డిక్లేర్ చేశాడు. రెండో ఇన్నింగ్స్‌లో బంగ్లాదేశ్ వికెట్ న‌ష్ట‌పోకుండా 42 ర‌న్స్ చేసింది. ఆ జ‌ట్టు విజ‌యం సాధించాలంటే రెండు రోజుల్లో 471 ప‌రుగులు చేయాలి. అయితే.. భార‌త బౌల‌ర్ల ధాటికి బంగ్లా ఆట‌గాళ్లు త‌ట్టుకుంటారా? అనేది వేచి చూడాలి. తొలి ఇన్నింగ్స్‌లో పేస‌ర్ సిరాజ్3 వికెట్లు, కుల్దీప్ యాద‌వ్ 5 వికెట్లు తీసి బంగ్లాను దెబ్బ‌కొట్టారు. ఉమేశ్ యాద‌వ్‌, అక్ష‌ర్ ప‌టేల్ త‌లా ఒక వికెట్ తీశారు.

Yaara o yaara
Inspired by Lara
Pujara can Bazball
Bazball can’t Pujara 😉 #BANvIND pic.twitter.com/pAsjz8wciR

— Wasim Jaffer (@WasimJaffer14) December 16, 2022