PSL 2024 | ఇస్లామాబాద్‌దే పీఎస్‌ఎల్‌ ట్రోఫీ.. ముల్తాన్‌ సుల్తాన్స్‌పై ఉత్కంఠ విజయం
PSL 2024 | ముల్తాన్‌ సుల్తాన్స్‌తో జరిగిన ఫైనల్‌లో ఇస్లామాబాద్‌.. 2 వికెట్ల తేడాతో ఉత్కంఠ విజయం సాధించింది. ఆఖరి బంతి దాకా విజయం కోసం ఇరు జట్లూ పోరాడగా.. చివరి బంతికి సింగిల్‌ తీసిన ఇస్లామాబాద్‌ ఈ లీగ్‌లో మూడో ట్రోఫీ కొట్టింది.
PSL 2024 | పాకిస్తాన్‌ సూపర్‌ లీగ్‌ (పీఎస్‌ఎల్‌) 2024 సీజన్‌ ట్రోఫీని ఇస్లామాబాద్‌ యునైటెడ్‌ సొంతం చేసుకుంది. సోమవారం ముల్తాన్‌ సుల్తాన్స్‌తో జరిగిన ఫైనల్‌లో ఇస్లామాబాద్‌.. 2 వికెట్ల తేడాతో ఉత్కంఠ విజయం సాధించింది. ఆఖరి బంతి దాకా విజయం కోసం ఇరు జట్లూ పోరాడగా.. చివరి బంతికి సింగిల్‌ తీసిన ఇస్లామాబాద్‌ ఈ లీగ్‌లో మూడో ట్రోఫీ కొట్టింది. మొదట బ్యాటింగ్‌ చేసిన ముల్తాన్‌ సుల్తాన్స్‌.. నిర్ణీత 20 ఓవర్లలో 9 వికెట్లు కోల్పోయి 159 పరుగులు చేయగా ఇస్లామాబాద్‌.. 20వ చివరి బంతికి ఫోర్‌ కొట్టి ఘనవిజయాన్ని అందుకుంది.
కరాచీ వేదికగా ముగిసిన ఫైనల్‌లో మొదట బ్యాటింగ్‌ చేసిన ముల్తాన్‌.. బ్యాటింగ్‌లో విఫలమైంది. ఆ జట్టు కెప్టెన్‌ మహ్మద్‌ రిజ్వాన్‌ (26) తో పాటు ఓపెనర్‌ యాసిర్‌ ఖాన్‌, విల్లేలు విఫలమయ్యారు. ఉస్మాన్‌ ఖాన్‌ (57) అర్థ సెంచరీతో రాణించగా ఆఖర్లో ఇఫ్తికార్‌ అహ్మద్‌ (20 బంతుల్లో 32, 3 ఫోర్లు, 3 సిక్సర్లు) ధాటిగా ఆడటంతో ముల్తాన్‌ ఆ మాత్రం స్కోరైనా చేయగలిగింది. ఇస్లామాబాద్‌ బౌలర్లలో ఇమాద్‌ వసీం ఐదు వికెట్లతో ముల్తాన్‌ వెన్నువిరవగా.. సారథి షాదాబ్‌ ఖాన్‌ మూడు వికెట్లు తీశాడు.
అనంతరం మోస్తారు ఛేదనలో ఇస్లామాబాద్‌ కూడా తడబడింది. కొలిన్‌ మున్రో (17), అఘా సల్మాన్‌ (10), షాదాబ్‌ ఖాన్‌ (4)లు విఫలమయ్యారు. కానీ ఓపెనర్‌ మార్టిన్‌ గుప్తిల్‌ (32 బంతుల్లో 50, 4 ఫోర్లు), అజామ్‌ ఖాన్‌ (30)లు రాణించడంతో ఇస్లామాబాద్‌ విజయం దిశగా సాగింది. కానీ కీలక సమయంలో వికెట్లు కోల్పోవడంతో ఆ జట్టుకు చివరి ఓవర్లో 8 పరుగులు అవసరమయ్యాయి. తొలి బంతికి ఇమాద్‌ వసీం (19 నాటౌట్‌) సింగిల్‌ తీయగా రెండో బాల్‌కు నసీమ్‌ షా ఫోర్‌ కొట్టాడు. ఆ తర్వాత రెండు బంతులకు రెండు పరుగులొచ్చాయి. కానీ ఐదో బాల్‌కు నసీమ్‌ ఔట్‌ అవగా.. ఆరో బంతికి నసీమ్‌ షా తమ్ముడు హునైన్‌ షా ఫోర్‌ కొట్టి ఇస్లామాబాద్‌కు మూడో ట్రోఫీని అందించాడు.
SHAH BROTHERS ARE TOTAL CLUTCH 🔥👌pic.twitter.com/cyOa0vK8xo
— Johns. (@CricCrazyJohns) March 18, 2024
— Islamabad United (@IsbUnited) March 18, 2024
Read Today's Latest Sports News in Telugu and Telugu News
- Follow Us :
-
