PM Modi: రెజ్ల‌ర్ వినేశ్ ఫోగ‌ట్‌పై వేటు బాధపెడుతోంది: ప్ర‌ధాని మోదీ

PM Narendra Modi: రెజ్ల‌ర్ వినేశ్ ఫోగ‌ట్‌పై ఒలింపిక్ సంఘం వేటు వేసిన నేప‌థ్యంలో ప్ర‌ధాని మోదీ స్పందించారు. వినేశ్ చాంపియ‌న్ల‌కే చాంపియ‌న్ అని ఆయ‌న అన్నారు. పోగ‌ట్‌పై వేటు బాధిస్తోంద‌న్నారు. నువ్వు భార‌త దేశానికి గ‌ర్వ‌కార‌ణ‌మ‌ని, ప్ర‌తి ఒక్క భార‌తీయుడికి ప్రేర‌ణ‌గా నిలుస్తున్నావ‌ని తెలిపారు.

న్యూఢిల్లీ: పారిస్ ఒలింపిక్స్ స్వ‌ర్ణ ప‌త‌కాన్ని గెలుచుకునే అవ‌కాశాన్ని రెజ్ల‌ర్ వినేశ్ ఫోగ‌ట్ చేజార్చుకున్న‌ది. ఓవ‌ర్ వెయిట్ కార‌ణంగా ఆమెను అన‌ర్హురాలిగా ప్ర‌క‌టించారు. వాస్త‌వానికి ఇవాళ ఆమె గోల్డ్ మెడ‌ల్ మ్యాచ్ ఆడాల్సి ఉన్న‌ది. అయితే వినేశ్ ఫోగ‌ట్ డిస్‌క్వాలిఫై అయిన నేప‌థ్యంలో.. భార‌త ప్ర‌ధాని న‌రేంద్ర మోదీ(PM Modi) స్పందించారు. వినేశ్‌, నువ్వ చాంపియ‌న్ల‌కే చాంపియ‌న్‌ అంటూ ఆయ‌న ఎక్స్ అకౌంట్‌లో కామెంట్ చేశారు. భార‌త దేశానికి గ‌ర్వ‌కార‌ణ‌మ‌ని, ప్ర‌తి ఒక్క భార‌తీయుడికి ప్రేర‌ణ‌గా నిలుస్తున్నావ‌ని తెలిపారు.

నిజానికి వేటు ప‌డ‌డం అది ఎంతో బాధిస్తుంద‌న్నారు. చాలా నిరాశ‌కు లోన‌య్యాన‌ని, ఆ విష‌యాన్ని మాట‌ల్లో చెప్ప‌లేమ‌న్నారు. నువ్వు మ‌రింత ప‌ట్టుద‌ల‌తో రాణిస్తావ‌ని ఆశిస్తున్న‌ట్లు చెప్పారు. స‌వాళ్ల‌ను ఎదుర్కోవ‌డం నీ నైజ‌మ‌ని ఆయ‌న అన్నారు. మ‌రింత బ‌లంతో పుంజుకోవాల‌ని ఆశిస్తున్న‌ట్లు పేర్కొన్నారు. నీకు మేం అంద‌రం స‌పోర్టుగా ఉంటామ‌ని మోదీ త‌న ట్వీట్‌లో వెల్ల‌డించారు.

50 కేజీల ఫ్రీ స్ట‌యిల్ రెజ్లింగ్‌లో పోటీ చేసిన వినేశ్ ఫోగ‌ట్‌.. ఫైన‌ల్‌కి ప్ర‌వేశించింది. కానీ సుమారు 100 గ్రాముల అధిక బ‌రువు న‌మోదు కావ‌డంతో.. ఆమెపై వేటు విధించారు. దీంతో భార‌త ఒలింపిక్ బృందంలో నిరాశ‌లు నెల‌కొన్నాయి.

వినేశ్ విష‌యంలో భార‌త ఒలింపిక్ సంఘం అధ్య‌క్షురాలు పీటీ ఉష‌తో ప్ర‌ధాని మోదీ ఫోన్లో మాట్లాడారు. అస‌లు ఏం జ‌రిగిందో ఆయ‌న అడిగి తెలుసుకున్నారు. అంత‌ర్జాతీయ ఒలింపిక్ సంఘం వ‌ద్ద త‌మ నిర‌స‌న వ్య‌క్తం చేయాల‌ని పీటీ ఉష‌ను మోదీ కోరిన‌ట్లు తెలుస్తోంది.

Vinesh, you are a champion among champions! You are India’s pride and an inspiration for each and every Indian.

Today’s setback hurts. I wish words could express the sense of despair that I am experiencing.

At the same time, I know that you epitomise resilience. It has always…

— Narendra Modi (@narendramodi) August 7, 2024