ODI World Cup 2023 | ప‌వ‌ర్ ప్లేలోనే సగం వికెట్లు.. పీక‌ల్లోతు క‌ష్టాల్లో శ్రీ‌లంక‌

ODI World Cup 2023 : వ‌న్డే వ‌ర‌ల్డ్ క‌ప్‌ ఆఖ‌రి లీగ్ మ్యాచులో శ్రీ‌లంక బ్యాట‌ర్లు పెవిలియ‌న్‌కు క్యూ క‌డుతున్నారు. ఫెర్గూస‌న్ బౌలింగ్‌లో కుశాల్ పెరీర‌(51 : 28 బంతుల్లో 9 ఫోర్లు, 2 సిక్స్‌లు) భారీ షాట్ ఆడ‌బోయి..

ODI World Cup 2023 : వ‌న్డే వ‌ర‌ల్డ్ క‌ప్‌ ఆఖ‌రి లీగ్ మ్యాచులో శ్రీ‌లంక బ్యాట‌ర్లు పెవిలియ‌న్‌కు క్యూ క‌డుతున్నారు. ఫెర్గూస‌న్ బౌలింగ్‌లో కుశాల్ పెరీర‌(51 : 28 బంతుల్లో 9 ఫోర్లు, 2 సిక్స్‌లు) భారీ షాట్ ఆడ‌బోయి శాంట్న‌ర్ చేతికి చిక్కాడు. దాంతో, లంక 70 ప‌రుగుల‌కే ఐదు వికెట్లు కోల్పోయి పీక‌ల్లోతు క‌ష్టాల్లో ప‌డింది.

అంత‌కుముందు ట్రెంట్ బౌల్ట్ వేసిన ఓవ‌ర్లో చ‌ర‌త అస‌లంక‌(8) ఎల్బీగా వెనుదిరిగాడు. అంపైర్ నాటౌట్ ఇవ్వ‌డంతో కివీస్ రివ్యూ తీసుకొని వికెట్ సాధించింది. ప్ర‌స్తుతం మాథ్యూస్(0), ధనంజ‌య డిసిల్వా(4) ఆడుతున్నారు. 10 ఓవ‌ర్ల‌కు లంక స్కోర్‌.. 74/5

టాస్ ఓడి బ్యాటింగ్‌కు దిగిన లంకు ఆదిలోనే షాక్ త‌గిలింది. ఇన్నింగ్స్ తొలి ఓవ‌ర్ ఐదో బంతికి ఓపెన‌ర్ ప‌థుమ్ నిస్సంక‌(2) ను టిమ్ సౌథీ పెవిలియ‌న్ పంపాడు. అనంత‌రం డేంజ‌ర‌స్ బౌల్ట్ వికెట్ల వేట మొద‌లెట్టాడు. అత‌డు విజృంభించ‌డంతో.. ఒకే ఓవ‌ర్లో కెప్టెన్ కుశాల్ మెండిస్(6), స‌మ‌ర‌విక్ర‌మ (1) ఔట‌య్యారు. దాంతో, లంక ఒత్తిడిలో ప‌డిపోయింది.