NZ vs SA: అనుభవలేమి.. అయితేనేమి..? కివీస్‌కు షాకిచ్చిన సఫారీ టీమ్‌

NZ vs SA: కేన్‌ విలియమ్సన్‌, డెవాన్‌ కాన్వే, టామ్‌ లాథమ్‌, రచిన్‌ రవీంద్ర, విల్‌ యంగ్‌, గ్లెన్‌ ఫిలిప్స్‌ వంటి అంతర్జాతీయ స్థాయి ఆటగాళ్లు ఉన్న జట్టును ఆటాడించింది. అంతగా అనుభవం లేని సఫారీ బౌలర్లు.. కివీస్‌ బ్యాటర్లలో ఒక్కరంటే ఒక్కరిని కూడా అర్థ సెంచరీ చేయనీయలేదు.

NZ vs SA: న్యూజిలాండ్‌ పర్యటనలో ఉన్న సౌతాఫ్రికా జట్టు.. రెండో టెస్టు తొలి ఇన్నింగ్స్‌లో ఆతిథ్య జట్టుకు షాకిచ్చింది. ఈ సిరీస్‌లో కెప్టెన్‌తో సహా ఏడుగురు కొత్తవాళ్లతో బరిలోకి దిగిన దక్షణాఫ్రికా.. తొలి ఇన్నింగ్స్‌లో 242 పరుగులకే ఆలౌట్‌ అయినా కేన్‌ విలియమ్సన్‌, డెవాన్‌ కాన్వే, టామ్‌ లాథమ్‌, రచిన్‌ రవీంద్ర, విల్‌ యంగ్‌, గ్లెన్‌ ఫిలిప్స్‌ వంటి అంతర్జాతీయ స్థాయి ఆటగాళ్లు ఉన్న జట్టును ఆటాడించింది. అంతగా అనుభవం లేని సఫారీ బౌలర్లు.. కివీస్‌ బ్యాటర్లలో ఒక్కరంటే ఒక్కరిని కూడా అర్థ సెంచరీ చేయనీయలేదు. ఆ జట్టు స్పిన్నర్‌ డేన్‌ పీడ్ట్‌ ఐదు వికెట్లు (5/89) పడగొట్టి కివీస్‌ బ్యాటింగ్‌ వెన్ను విరిచాడు.

ఆట రెండో రోజు 220-6 ఓవర్‌ నైట్‌ స్కోరుతో బరిలోకి దిగిన సౌతాఫ్రికా.. మంగళవారం ఉదయం సెషన్‌లో మరో 22 పరుగులు మాత్రమే జోడించి ఆలౌట్‌ అయింది. అనంతరం బ్యాటింగ్‌కు వచ్చిన న్యూజిలాండ్‌.. స్కోరుబోర్డుపై ఒక్క పరుగు చేరగానే వికెట్‌ పడింది. రెండో వికెట్‌కు టామ్‌ లాథమ్‌ (40), కేన్‌ విలియమ్సన్‌ (43) లు రెండో వికెట్‌ భాగస్వామ్యానికి 74 పరుగులు జోడించారు. తొలి ఇన్నింగ్స్‌లో ఆ జట్టుకు ఇదే అత్యధిక భాగస్వామ్యం. లాథమ్‌తో పాటు కేన్‌ మామను పీడ్ట్‌ త్వరత్వరగా ఔట్‌ చేశాడు. తొలి మ్యాచ్‌లో డబుల్‌ సెంచరీ చేసిన రచిన్‌ రవీంద్ర (29)ను మోరెకి వెనక్కిపంపాడు. విల్‌ యంగ్‌ (36) కాసేపు ప్రతిఘటించినా పీడ్ట్‌ అతడిని కూడా ఔట్‌ చేసి కివీలకు వరుస షాకులిచ్చాడు.

 

A brilliant comeback 💥

Dane Piedt grabs a five-wicket haul in Tests after over eight years 👏#NZvSA #WTC25 pic.twitter.com/qAgosOQPWM

— ICC (@ICC) February 14, 2024

ఇదే ఊపులో పీటర్సన్‌.. వికెట్‌ కీపర్‌ టామ్‌ బ్లండెల్‌ (4)ను ఔట్‌ చేయగా గ్లెన్‌ ఫిలిప్స్‌ (4) ను పీడ్ట్‌ ఔట్‌ చేశాడు. ఆఖర్లో నీల్‌ వాగ్నర్‌ (33) మెరుపులతో కివీస్‌ జట్టు 200 పరుగుల మార్కును దాటింది. రెండో రోజు ఆట ముగిసే సమయానికి కివీస్‌.. 77.3 ఓవర్లలో 211 పరుగులకు ఆలౌట్‌ అయింది. తొలి ఇన్నింగ్స్‌లో దక్షిణాఫ్రికా 31 పరుగులు వెనుకబడి ఉంది.