టీ20 ప్రపంచకప్ సూపర్-12 దశలో భాగంగా న్యూజిల్యాండ్, ఆస్ట్రేలియా మధ్య జరుగుతున్న మ్యాచ్లో ఆస్ట్రేలియా తడబడుతోంది. న్యూజిల్యాండ్ నిర్దేశించిన 201 పరుగుల భారీ లక్ష్య ఛేదనలో ఆసీస్ టాపార్డర్ కుదేలైంది. డేవిడ్ వార్నర్ (5), ఆరోన్ ఫించ్ (13), మిచెల్ మార్ష్ (16), మార్కస్ స్టొయినిస్ (7) విఫలమయ్యారు. వీళ్లు ఏమాత్రం పోరాడలేకపోయారు.
దీంతో గ్లెన్ మ్యాక్స్వెల్ (16 నాటౌట్)పై భారం పడింది. ఈ క్రమంలో పది ఓవర్లు ముగిసే సరికి 62/4 స్కోరుతో నిలిచిందా జట్టు. ఈ సమయంలో మ్యాక్స్వెల్కు సహకారం అందిస్తాడని అనుకున్న టిమ్ డేవిడ్ (11)ను 11వ ఓవర్లో శాంట్నర్ అవుట్ చేశాడు. ఆ ఓవర్ తొలి బంతికి భారీ సిక్సర్ బాదిన టిమ్ డేవిడ్.. ఆ మరుసటి బంతికి మరో భారీ షాట్ ఆడే ప్రయత్నంలో పెవిలియన్ చేరాడు. దీంతో ఆ జట్టు 68 పరుగులకే 5 వికెట్లు కోల్పోయి పీకల్లోతు కష్టాల్లో కూరుకుపోయింది.