నీరజ్‌కు ఒలింపిక్‌ బెర్త్‌

ఒలింపిక్స్‌ షూటింగ్‌ విభాగంలో భారత్‌కు రెండో బెర్తు దక్కింది. యువ షూటర్‌ నీరజ్‌ కుమార్‌ 2028 ఒలింపిక్స్‌కు అర్హత సాధించాడు. ఐఎస్‌ఎస్‌ఎఫ్‌ వరల్డ్‌ చాంపియన్‌షిప్స్‌లో భాగంగా బుధవారం జరిగిన పురుషుల 50 మీటర్ల త్రీ పొజిషన్స్‌ ఈవెంట్‌లో నీరజ్‌.

• వరల్డ్‌ చాంపియన్‌షిప్స్‌లో కాంస్యం

దోహా: ఒలింపిక్స్‌ షూటింగ్‌ విభాగంలో భారత్‌కు రెండో బెర్తు దక్కింది. యువ షూటర్‌ నీరజ్‌ కుమార్‌ 2028 ఒలింపిక్స్‌కు అర్హత సాధించాడు. ఐఎస్‌ఎస్‌ఎఫ్‌ వరల్డ్‌ చాంపియన్‌షిప్స్‌లో భాగంగా బుధవారం జరిగిన పురుషుల 50 మీటర్ల త్రీ పొజిషన్స్‌ ఈవెంట్‌లో నీరజ్‌. 346.5 పాయింట్లు స్కోరు చేసి కాంస్యం సాధించాడు. దాంతో లాస్‌ ఏంజెల్స్‌ ఒలింపిక్స్‌ కోటా దక్కించుకున్నాడు.

ఈ పోటీలో న్యూట్రల్‌ అథ్లెట్‌ గా బరిలోకి దిగిన దిమిత్రి పిమెనొవ్‌ 362.8 పాయింట్లతో స్వర్ణం నెగ్గగా స్లోవేకియా షూటర్‌ ప్యాట్రిక్‌ జానీ (355.9) రజతం గెలిచాడు. నీరజ్‌కు వరల్డ్‌ చాంపియన్‌షిప్స్‌లో ఇదే తొలి పతకం కావడం గమనార్హం. కాగా ఇదే టోర్నీలో జైపాల్‌ మాలవీయ భారత్‌ తరఫున ఒలింపిక్స్‌లో మొదటి బెర్తును దక్కించుకున్న విషయం తెలిసిందే.