గనేమత్‌, అనంత్‌జీత్‌కు టైటిల్స్‌

స్కీట్‌ షూటింగ్‌లో ఎదురులేని గనేమత్‌ షెకాన్‌, అనంత్‌జీత్‌ సింగ్‌ నరూక మరోసారి తమ సత్తా చాటుతూ జాతీయ షూటింగ్‌ చాంపియన్‌షిప్‌లో మహిళల, పురుషుల టైటిల్స్‌ సొంతం చేసుకున్నారు.66వ జాతీయ షూటింగ్‌ చాంపియన్‌షిప్‌లో పంజాబ్‌కు చెందిన గనేమత్‌ మహిళల క్వాలిఫయింగ్‌ రౌండ్‌లో షూటౌట్‌ ద్వారా ఫైనల్‌కు చేరుకుంది.

న్యూఢిల్లీ : స్కీట్‌ షూటింగ్‌లో ఎదురులేని గనేమత్‌ షెకాన్‌, అనంత్‌జీత్‌ సింగ్‌ నరూక మరోసారి తమ సత్తా చాటుతూ జాతీయ షూటింగ్‌ చాంపియన్‌షిప్‌లో మహిళల, పురుషుల టైటిల్స్‌ సొంతం చేసుకున్నారు.66వ జాతీయ షూటింగ్‌ చాంపియన్‌షిప్‌లో పంజాబ్‌కు చెందిన గనేమత్‌ మహిళల క్వాలిఫయింగ్‌ రౌండ్‌లో షూటౌట్‌ ద్వారా ఫైనల్‌కు చేరుకుంది. ఫైనల్లో 60 షాట్లకు 56 షాట్లు గురితప్పకుండా కాల్చిన గనేమత్‌ అగ్రస్థానంలో నిలిచింది.

క్వాలిఫయింగ్‌లో ప్రథమ స్థానంలో నిలిచిన జహ్రా దీశవాలా 55 షాట్లతో రెండో స్థానంతో సరిపెట్టుకుంది. సంజన సూద్‌ 44 షాట్లతో మూడో స్థానంలో నిలిచింది. పురుషుల విభాగం క్వాలిఫయింగ్‌లో అనంత్‌జీత్‌ 125 షాట్లకు 123 గురిపెట్టి కాల్చి అందరికంటే ముందు నిలిచాడు. ఆరుగురు తలపడిన ఫైనల్లో కూడా అనంత్‌జీత్‌ 58/60తో అగ్రస్థానం దక్కించుకున్నాడు. మునేక్‌ బటూలా (55 షాట్లు), భవతేజ్‌ గిల్‌ (45 షాట్లు) వరుసగా రజత, కాంస్య పతకాలు గెలుచుకున్నారు.