Hockey World Cup 2023 | తొలి మ్యాచ్‌లో ఫ్రాన్స్‌ను చిత్తుచిత్తుగా ఓడించిన ఆస్ట్రేలియా

Hockey World Cup 2023 | ఒడిశా వేదికగా 15వ హాకీ ప్రపంచకప్‌ ఆరంభమైంది. తొలి మ్యాచ్‌లో ఆస్ట్రేలియా, ఫ్రాన్స్ జట్లు తపడ్డాయి. ఈ మ్యాచ్‌లో ఫ్రాన్స్‌ను ఆస్ట్రేలియా టీమ్‌ చిత్తుచిత్తుగా

భువనేశ్వర్‌: ఒడిశా వేదికగా 15వ హాకీ ప్రపంచకప్‌ ఆరంభమైంది. తొలి మ్యాచ్‌లో ఆస్ట్రేలియా, ఫ్రాన్స్ జట్లు తపడ్డాయి. ఈ మ్యాచ్‌లో ఫ్రాన్స్‌ను ఆస్ట్రేలియా టీమ్‌ చిత్తుచిత్తుగా 8-0 గోల్స్‌ తేడాతో ఓడించింది. ఆస్ట్రేలియా మొత్తం 8 గోల్స్‌ చేయగా, అందులో ఆ జట్టు ఆటగాడు జిరేమీ హ్యాట్రిక్‌ గోల్స్‌ కొట్టాడు. ఈ ప్రపంచకప్‌లో ఇదే తొలి హ్యాట్రిక్‌.

కాగా, ఈ మ్యాచ్‌లో ఫ్రాన్స్ టీమ్‌ పేలవ ప్రదర్శనను కనబర్చింది. పెనాల్టీ కార్నర్‌ల రూపంలో ఎన్నో అవకాశాలు వచ్చినా ఫ్రాన్స్‌ జట్టు వాటిని గోల్స్‌గా మలచడంలో విఫలమైంది. అందివచ్చిన అవకాశాలన్నింటినీ చేజార్చుకుంది. కాగా, 2018 ప్రపంచకప్‌లో కూడా ఫ్రాన్స్‌పై ఆస్ట్రేలియా హాకీ టీమ్‌ 3-0 గోల్స్‌ తేడాతో విజయం సాధించింది.

ఇదిలావుంటే, సౌతాఫ్రికా, అర్జెంటీనా జట్ల మధ్య హోరాహోరి మ్యాచ్‌లో ఆఖరికి అర్జెంటీనా విజయాన్ని అందుకుంది. రెండు జట్లు అద్భుతంగా ఆడిన ఆర్జెంటీనా ఒక గోల్‌ చేయగలగడంతో సౌతాఫ్రికాపై 1-0 తేడా నెగ్గింది. ఇవాళ రాత్రి 7 గంటలకు భారత్‌, స్పెయిన్‌ జట్ల మధ్య మరో మ్యాచ్‌ జరగనుంది. మొత్తం 16 జట్లు లీగ్‌ దశలో నాలుగు గ్రూపులుగా టోర్నీలో తలపడుతున్నాయి.

భారత జట్టు స్పెయిన్‌, వేల్స్‌, ఇంగ్లండ్‌ జట్లతో కలిసి గ్రూప్‌-D లో ఉన్నది. గ్రూప్‌-A లో సౌతాఫ్రికా, ఆస్ట్రేలియా, ఫ్రాన్స్‌, అర్జెంటీనా జట్లు, గ్రూప్‌-B లో బెల్జియం, జపాన్‌, కొరియా, జర్మనీ జట్లు, గ్రూప్‌-C లో నెదర్లాండ్స్‌, చిలీ, మలేషియా, న్యూజిలాండ్‌ జట్లు ఉన్నాయి. నాలుగో గ్రూప్‌ల నుంచి రెండేసి జట్ల చొప్పున క్వార్టర్‌ ఫైనల్స్‌కు చేరుకుంటాయి. క్వార్టర్‌ ఫైనల్స్‌ నెగ్గిన నాలుగు జట్లు సెమీ ఫైనల్స్‌ ఆడుతాయి. సెమీఫైనల్స్ గెలిచిన రెండు జట్ల మధ్య ఫైనల్‌ జరుగుతుంది.