వెర్‌స్టాపెన్‌ @14

రెడ్‌బుల్‌ డ్రైవర్‌ మాక్స్‌ వెర్‌స్టాపెన్‌ ఫార్ములా వన్‌లో సరికొత్త రికార్డు నెలకొల్పాడు. ఒకే సీజన్‌లో అత్యధిక విజయాలు(14) సాధించిన తొలి రేసర్‌గా వెర్‌స్టాపెన్‌ చరిత్ర సృష్టించాడు.

మెక్సికో సిటీ : రెడ్‌బుల్‌ డ్రైవర్‌ మాక్స్‌ వెర్‌స్టాపెన్‌ ఫార్ములా వన్‌లో సరికొత్త రికార్డు నెలకొల్పాడు. ఒకే సీజన్‌లో అత్యధిక విజయాలు(14) సాధించిన తొలి రేసర్‌గా వెర్‌స్టాపెన్‌ చరిత్ర సృష్టించాడు. ఆదివారం జరిగిన మెక్సికో సిటీ గ్రాండ్‌ప్రిలో అతడు సమీప ప్రత్యర్థి లూయిస్‌ హామిల్టన్‌ కంటే 15.186 సెకన్ల ముందు గమ్యాన్ని చేరుకుని టైటిల్‌ విజేతగా నిలిచాడు.

మెక్సికోలో వెర్‌స్టాపెన్‌కు ఇది నాలుగో టైటిల్‌. ఈ క్రమంలో ఒక సీజన్‌లో అత్యధిక టైటిళ్లు(13) సాధించిన జర్మనీ రేసర్లు మైఖేల్‌ షుమాకర్‌(2004), సెబాస్టియన్‌ వెటెల్‌(2013)ను వెర్‌స్టాపెన్‌ అధిగమించాడు. అయితే గతంలో కంటే రేసుల సంఖ్య పెరగడం వెర్‌స్టాపెన్‌ విజయాలకు దోహదపడింది. 2013లో 19 రేసులు, 2014లో 18 రేసులు జరుగగా, ఈ సీజన్‌లో మొత్తం 22 రేసులు నిర్వహించనున్నారు.