Muhammad Ali : బాక్సింగ్ దిగ్గజాల్లో ఒకడైన దివంగత మహమ్మద్ అలీ(Muhammad Ali)కి అరుదైన గౌరవం దక్కింది. గొప్ప బాక్సర్గా పేరొందిన అలీకి ‘హాల్ ఆఫ్ ఫేమ్ క్లాస్ 2024′(Hall Of Fame Class)లో చోటు కల్పించనుంది. మరణం తర్వాత అతడికి ఈ గౌరవం దక్కింది. ఏప్రిల్ 5న జరిగే కార్యక్రమంలో డబ్ల్యూడబ్ల్యూఈ అలీ పేరును ఈ ఏడాది హాల్ ఆఫ్ ఫేమ్ క్లాస్లో చేర్చనుంది. ఫిలడెల్ఫియాలో జరుగనున్న ఈ ప్రత్యేక కార్యక్రమంలో అతడి భార్య లొన్నే అలీ(Lonnie Ali) పాల్గొననుంది.
మొత్తంగా ఈ ఘనత సాధించిన ఐదో అమెరికా బాక్సర్గా అలీ పేరు చరిత్రపుటల్లో నిలిచిపోనుంది. అలీ కంటేముందు పాల్ హేమన్(Paul Heyman), బుల్ నకానోలు, మైక్ రోటుండా, బారీ వింధామ్లు డబ్ల్యూడబ్ల్యూఈ హాల్ ఆఫ్ ఫేమ్ క్లాస్లో చోటు దక్కించుకున్నారు.
అలీ అమెరికాకు చెందిన ప్రొఫెషనల్ బాక్సర్. అతడు 1976లో ఒక ఎగ్జిబిషన్ మ్యాచ్లోఅంటోనియో ఇనోకితో తలపడ్డాడు. ఆ తర్వాత అలీ పంచ్కు ఎదురన్నదే లేకుండా పోయింది. ప్రపంచంలోని మేటి బాక్సర్లలో ఒకడైన అతడు 1964 నుంచి 1970ల మధ్య తన హవా చూపించాడు. రింగ్ మ్యాగజైన్ హెవీవెయిట్ టైటిల్ గెలుపొందాడు. రింగ్లో ప్రత్యర్థులను అలవోకగా చిత్తు చేసి గ్రేటెస్ట్గా ప్రశంసలు అందుకున్న అలీ 2016లో ప్రాణాలు విడిచాడు. ఇన్ఫెక్షన్ కారణంగా అతడి బీపీ పడిపోవడంతో ఈ బాక్సింగ్ లెజెండ్ 74 ఏండ్ల వయసులో కన్నుమూశాడు.