లేటైనా స‌రే.. గోల్డ్ మెడ‌ల్‌తో రండి: ‘చ‌క్ దే ఇండియా కోచ్’ షారుక్
ఒలింపిక్స్‌లో ఇండియ‌న్ వుమెన్స్ హాకీ టీమ్ పెను సంచ‌ల‌న‌మే సృష్టించింది. ఆస్ట్రేలియాను మ‌ట్టికరిపించి తొలిసారి సెమీఫైన‌ల్లో అడుగుపెట్టింది. ఈ చారిత్ర‌క సంద‌ర్భాన్ని రియ‌ల్ లైఫ్ చ‌క్ దే ఇండియాతో పోల్చాడు కోచ్ సోయెర్డ్‌ మ‌రీన్‌. ఆ మూవీ కూడా మ‌హిళ‌ల హాకీ ఇతివృత్తంతోనే తెర‌కెక్కిన విష‌యం తెలిసిందే.
ముంబై: ఒలింపిక్స్‌లో ఇండియ‌న్ వుమెన్స్ హాకీ టీమ్ పెను సంచ‌ల‌న‌మే సృష్టించింది. ఆస్ట్రేలియాను మ‌ట్టికరిపించి తొలిసారి సెమీఫైన‌ల్లో అడుగుపెట్టింది. ఈ చారిత్ర‌క సంద‌ర్భాన్ని రియ‌ల్ లైఫ్ చ‌క్ దే ఇండియాతో పోల్చాడు కోచ్ సోయెర్డ్‌ మ‌రీన్‌. ఆ మూవీ కూడా మ‌హిళ‌ల హాకీ ఇతివృత్తంతోనే తెర‌కెక్కిన విష‌యం తెలిసిందే. ఇప్పుడా మూవీలో కోచ్ పాత్ర పోషించిన బాలీవుడ్ బాద్ షా షారుక్‌ఖాన్ ఈ విజ‌యంపై స్పందించాడు. కోచ్ సోయెర్డ్‌ చేసిన ట్వీట్‌పై కింగ్ ఖాన్ రియాక్ట‌య్యాడు. సారీ ఫ్యామిలీ.. నేను రావ‌డం లేట‌వుతుంది అని కోచ్ ట్వీట్ చేశాడు. మూవీలో కోచ్ క‌బీర్‌ఖాన్ పాత్ర పోషించిన షారుక్ దీనికి స్పందిస్తూ.. స‌రే ఏం ప్రాబ్లం లేదు. మీరు వ‌చ్చేట‌ప్పుడు 100 కోట్ల మంది ఉన్న కుటుంబానికి గోల్డ్ తీసుకురండి చాలు. మీ ఎక్స్ కోచ్ క‌బీర్ ఖాన్ అని రిప్లై ఇచ్చాడు.
Read Today's Latest Sports News in Telugu and Telugu News
- Follow Us :
-
