హైదరాబాద్: నీరజ్ చోప్రా కఠోర శిక్షణ కొనసాగిస్తున్నాడు. టోక్యో ఒలింపిక్స్.. డైమండ్ లీగ్లో గోల్డ్ మెడల్స్ సాధించిన ఆ స్టార్.. ఇప్పుడు రాబోయే సీజన్ కోసం తీవ్రంగా శ్రమిస్తున్నాడు. సూపర్ ఫిట్ ఉండే ఈ ఇండియన్ అథ్లెట్ ప్రస్తుతం సౌతాఫ్రికాలోని పోచెస్ట్రోమ్లో ట్రైనింగ్ తీసుకుంటున్నాడు. ఆ శిక్షణకు చెందిన వీడియోను తాజాగా తన ట్విట్టర్లో పోస్టు చేశాడు నీరజ్. ఆ వీడియోకు జంప్స్ అని ట్యాగ్ లైన్ ఇచ్చాడు.
🚧Jumps pic.twitter.com/6qZF7k2Nbu
— Neeraj Chopra (@Neeraj_chopra1) February 15, 2023
వరుసగా ఉన్న హార్డిల్స్పై జంప్ చేస్తూ జావెలిన్ అథ్లెట్ నీరజ్ చోప్రా తన ఫిట్నెస్ ప్రదర్శించాడు. ఈ ఏడాది ఆగస్టులో ఐఏఏఎఫ్ వరల్డ్ చాంపియన్షిప్ ఉన్న నేపథ్యంలో.. ఆ ఈవెంట్ టార్గెట్గా నీరజ్ శిక్షణ తీసుకుంటున్నాడు. ఇక చోప్రా పోస్టు చేసిన వీడియోపై అతని ఫ్యాన్స్ కామెంట్లతో హోరెత్తిస్తున్నారు.
ఇన్స్టాలోనూ పోస్టు అయిన ఆ వీడియోకు తెగ లైక్లు వచ్చేస్తున్నాయి. ఒక్క గంటలోనే సుమారు 70 వేల మంది ఆ వీడియోకు లైక్ కొట్టేశారు. గత ఏడాది బర్మింగ్హామ్లో జరిగిన కామన్వెల్త్ క్రీడలకు గాయం వల్ల నీరజ్ మిస్సైన విషయం తెలిసిందే. ఇక జావెలిన్ను 90 మీటర్ల దూరం విసరడమే లక్ష్యంగా నీరజ్ ముందుకు వెళ్తున్నాడు.