Visit:
JPNvsTUN | ఫిఫా వరల్డ్ కప్ 2026 గ్రూప్-ఎఫ్లో భాగంగా ఆదివారం మెక్సికోలోని మాంటెర్రే స్టేడియంలో జరిగిన చారిత్రాత్మక 1000వ వరల్డ్ కప్ మ్యాచ్లో జపాన్ జట్టు ట్యునీషియాను 4-0 తేడాతో చిత్తుచేసింది.
మ్యాచ్ మొదలైన నాలుగో నిమిషంలోనే దాచి కమాడ క్లోజ్ రేంజ్ నుంచి గోల్ కొట్టి జపాన్కు శుభారంభం ఇచ్చాడు. వరల్డ్ కప్లో జపాన్ తరపున నమోదైన అత్యంత వేగవంతమైన గోల్ ఇదే. ఆ తర్వాత 31వ నిమిషంలో స్టార్ ఫార్వర్డ్ అయాసే ఉయెడ ట్యునీషియా డిఫెన్స్ను చేధిస్తూ లో షాట్తో రెండో గోల్ సాధించాడు. రెండో అర్ధభాగంలో 69వ నిమిషంలో జున్యా ఇతో గోల్తో జపాన్ ఆధిక్యాన్ని 3-0కు పెంచాడు. 83వ నిమిషంలో మళ్లీ ఉయెడ హెడర్తో రెండో గోల్ కొట్టి మ్యాచ్కు హీరోగా నిలిచాడు. రెండు అద్భుత గోల్స్తో ఉయెడ మ్యాచ్ను జపాన్ వైపు తిప్పేశాడు. వరల్డ్ కప్ చరిత్రలో జపాన్కు ఇదే అతిపెద్ద విజయం కావడం విశేషం. ఈ భారీ గెలుపుతో జపాన్ 4 పాయింట్లతో గ్రూప్-ఎఫ్లో నెదర్లాండ్స్తో కలిసి అగ్రస్థానంలో నిలిచింది. దీంతో రౌండ్ ఆఫ్ 32 అవకాశాలను జపాన్ మరింత మెరుగుపరుచుకుంది. వరుసగా రెండో ఓటమితో ట్యునీషియా టోర్నీ నుంచి అధికారికంగా నిష్క్రమించింది.
