Novak Djokovic | ఆస్ట్రేలియా ఓపెన్‌లో జొకోకు షాక్‌.. నాలుగో సీడ్‌ చేతిలో పరాజయం

పెట్టనికోట లాంటి ఆస్ట్రేలియా ఓపెన్‌లో ప్రపంచ నంబర్‌వన్‌ నొవాక్‌ జొకోవిచ్‌కు చుక్కెదురైంది. గతంలో క్వార్టర్‌ ఫైనల్‌ దాటిన పదిసార్లు.. తిరుగులేని ప్రదర్శనతో ఈ టైటిల్‌ గెలిచిన సెర్బియా వీరుడు ఈ సారి సెమీస్‌లో నాలుగో సీడ్‌ సిన్నెర్‌ చేతిలో పరాజయం పాలయ్యాడు.

పెట్టనికోట లాంటి ఆస్ట్రేలియా ఓపెన్‌లో ప్రపంచ నంబర్‌వన్‌ నొవాక్‌ జొకోవిచ్‌కు చుక్కెదురైంది. గతంలో క్వార్టర్‌ ఫైనల్‌ దాటిన పదిసార్లు.. తిరుగులేని ప్రదర్శనతో ఈ టైటిల్‌ గెలిచిన సెర్బియా వీరుడు ఈ సారి సెమీస్‌లో నాలుగో సీడ్‌ సిన్నెర్‌ చేతిలో పరాజయం పాలయ్యాడు.

Novak Djokovic | మెల్‌బోర్న్‌: సీజన్‌ ఆరంభ గ్రాండ్‌స్లామ్‌ టోర్నీ ఆస్ట్రేలియా ఓపెన్‌లో అతిపెద్ద సంచలనం నమోదైంది. పురుషుల సింగిల్స్‌లో అందరికంటే ఎక్కువ (24) టైటిల్స్‌ గెలిచిన ప్రపంచ నంబర్‌వన్‌ జొకోవిచ్‌కు సెమీఫైనల్లో షాక్‌ తగిలింది. శుక్రవారం జరిగిన పురుషుల సింగిల్స్‌ సెమీస్‌లో టాప్‌ సీడ్‌ జొకోవిచ్‌ 1-6, 2-6, 7-6 (8/6), 3-6తో నాలుగో సీడ్‌ సిన్నెర్‌ చేతిలో ఓడాడు.

గతంలో పది సార్లు ఆస్ట్రేలియా ఓపెన్‌ సెమీస్‌ ఆడి.. అన్నీంట్లోనూ టైటిల్‌ గెలిచిన జొకో.. ఈ మ్యాచ్‌లో అదే స్థాయి ప్రదర్శన కనబర్చలేకపోయాడు. మూడున్నర గంటల పాటు సాగిన పోరులో 54 అనవసర తప్పిదాలతో మూల్యం చెల్లించుకున్నాడు. మరో సెమీస్‌లో మెద్వెదెవ్‌ 5-7, 3-6, 7-6 (7/4), 7-6 (7/5), 6-3తో జ్వెరెవ్‌పై గెలిచాడు. శనివారం మహిళల సింగిల్స్‌ ఫైనల్లో జెంగ్‌తో సబలెంక తలపడనుండగా.. ఆదివారం మెద్వెదెవ్‌, సిన్నెర మధ్య తుదిపోరు జరగనుంది.