IND vs NED | టాస్ గెలిచిన భారత్.. ఈ ఇద్దరి స్థానంలో సుందర్, అర్ష్‌దీప్..!

IND vs NED : నాకౌట్‌కు ముందు బ్యాటింగ్ ప్రాక్టీస్‌గా నెదర్లాండ్స్‌ను ఢీకొడుతోంది టీమిండియా. అహ్మదాబాద్‌లో జరుగుతున్న ఈ మ్యాచ్‌లో టాస్ గెలిచిన కెప్టెన్ సూర్యకుమార్ యాదవ్ బ్యాటింగ్‌కే మొగ్గు చూపాడు.

IND vs NED : హ్యాట్రిక్ విజయాలతో సూపర్ 8లో అడుగుపెట్టిన భారత్.. చివరి మ్యాచ్‌లోనూ పంజా విసిరేందుకు సిద్ధమైంది. నాకౌట్‌కు ముందు బ్యాటింగ్ ప్రాక్టీస్‌గా నెదర్లాండ్స్‌ను ఢీకొడుతోంది టీమిండియా. అహ్మదాబాద్‌లో జరుగుతున్న ఈ మ్యాచ్‌లో టాస్ గెలిచిన కెప్టెన్ సూర్యకుమార్ యాదవ్ బ్యాటింగ్‌కే మొగ్గు చూపాడు.

ఓటమన్నది ఎరుగని టీమిండియా లీగ్ దశను ఘనంగా ముగించాలనుకుంటోంది. నాకౌట్‌ దశలో అడుగపెట్టడానికి ముందే అన్ని విభాగాల్ని సరిచూసుకోవాలనే ఉద్దేశంతో.. నెదర్లాండ్స్‌తో మ్యాచ్‌లో రెండు కీలక మార్పులు చేసింది. గాయం నుంచి కోలుకుని.. ఫిట్‌నెస్ సాధించిన వాషింగ్టన్ సుందర్, పాక్‌ మ్యాచ్‌కు దూరమైన అర్ష్‌దీప్ సింగ్ తుది జట్టులోకి వచ్చారు. గత మ్యాచ్‌లో పాక్‌పై డకౌటైన అభిషేక్ శర్మ ఈసారి మెరుపు ఇన్నింగ్స్ ఆడాలని మేనేజ్‌మెంట్ కోరుకుంటోంది.

Presenting #TeamIndia‘s Playing XI for the contest in Ahmedabad 👌

Updates ▶️ https://t.co/SdXngdnwKB#T20WorldCup | #MenInBlue | #INDvNED pic.twitter.com/KYEpYmugHX

— BCCI (@BCCI) February 18, 2026

భారత తుది జట్టు : ఇషాన్ కిషన్‌(వికెట్ కీపర్), అభిషేక్ శర్మ, తిలక్ వర్మ, సూర్యకుమార్ యాదవ్(కెప్టెన్), హార్దిక్ పాండ్యా, శివం దూబే, రింకూ సింగ్, వాషింగ్టన్ సుందర్, అర్ష్‌దీప్ సింగ్, వరుణ్ చక్రవర్తి, బుమ్రా.

నెదర్లాండ్స్ తుది జట్టు : మైఖస్త్రల్ లెవిట్, మ్యాక్స్ ఓ డౌడ్, బాస్ డీ లీడే, కొలిన్ అకెర్మన్, స్కాట్ ఎడ్వర్డ్స్‌(వికెట్ కీపర్), జాక్ లయన్ కాచెట్, నోహ్ క్రోయెస్, రొలోఫ్ వాన్ డెర్ మెర్వే, లొగాన్ వాన్ బీక్, ఆర్యన్ దత్, కైలీ క్లెయిన్.