పాక్‌ను ఓడించి..

సౌత్‌ ఏషియా ఫుట్‌బాల్‌ ఫెడరేషన్‌ (శాఫ్‌) ఆధ్వర్యంలో ఢాకా వేదికగా జరుగుతున్న 2026 చాంపియన్‌షిప్‌ను భారత జట్టు విజయంతో ప్రారంభించింది. డిఫెండింగ్‌ చాంపియన్‌గా బరిలో నిలిచిన భారత్‌.. గ్రూప్‌-బీ తొలి పోరులో 3-2తో చిరకాల ప్రత్యర్థి పాకిస్థాన్‌ను చిత్తుచేసి టోర్నీలో శుభారంభం చేసింది.

• శాఫ్‌ చాంపియన్‌షిప్‌లో బ్లూ టైగర్స్‌ శుభారంభం

ఢాకా: సౌత్‌ ఏషియా ఫుట్‌బాల్‌ ఫెడరేషన్‌ (శాఫ్‌) ఆధ్వర్యంలో ఢాకా వేదికగా జరుగుతున్న 2026 చాంపియన్‌షిప్‌ను భారత జట్టు విజయంతో ప్రారంభించింది. డిఫెండింగ్‌ చాంపియన్‌గా బరిలో నిలిచిన భారత్‌.. గ్రూప్‌-బీ తొలి పోరులో 3-2తో చిరకాల ప్రత్యర్థి పాకిస్థాన్‌ను చిత్తుచేసి టోర్నీలో శుభారంభం చేసింది. బ్లూ టైగర్స్‌ తరఫున సుహైల్‌ అహ్మద్‌ భట్‌ (13, 19వ నిమిషాల్లో) ఆరు నిమిషాల వ్యవధిలోనే రెండు గోల్స్‌ చేయగా మంగ్లెంతంగ్‌ (31) మరో గోల్‌ చేశాడు. అయితే ఆట ముగుస్తుందనగా భారత్‌ ప్రత్యర్థికి రెండు గోల్స్‌ ఇచ్చుకుంది. పాక్‌ నుంచి నజీబ్‌ (90+1), అలమ్‌గిర్‌ (90+4) తలా ఓ గోల్‌తో భారత ఆధిక్యాన్ని తగ్గించారు.