వూటీ గోల్ఫ్‌ కౌంటీలో ఐజీపీఎల్‌ పోటీలు

ఇండియన్‌ గోల్ఫ్‌ ప్రీమియర్‌ లీగ్‌ (ఐజీపీఎల్‌) రెండో సీజన్‌ 11వ అంచెలో భాగంగా ఫీనిక్స్‌ ఇన్విటేషనల్‌ ఈవెంట్‌ బుధవారం వికారాబాద్‌ సమీపంలోని వూటీ గోల్ఫ్‌ కౌంటీ వేదికగా ప్రారంభం కానుంది.

హైదరాబాద్‌, ఆట ప్రతినిధి : ఇండియన్‌ గోల్ఫ్‌ ప్రీమియర్‌ లీగ్‌ (ఐజీపీఎల్‌) రెండో సీజన్‌ 11వ అంచెలో భాగంగా ఫీనిక్స్‌ ఇన్విటేషనల్‌ ఈవెంట్‌ బుధవారం వికారాబాద్‌ సమీపంలోని వూటీ గోల్ఫ్‌ కౌంటీ వేదికగా ప్రారంభం కానుంది. హైదరాబాద్‌ ఫైర్‌బర్డ్స్‌ గోల్ఫ్‌ క్లబ్‌ ఆతిథ్యమిస్తున్న ఈ పోటీలో మొత్తం 10 జట్లు బరిలో నిలిచాయి.

భారత స్టార్‌ గోల్ఫర్లు గగన్‌జీత్‌ భుల్లార్‌, సచిన్‌ బైసోయా ప్రధాన ఆకర్షణగా నిలవనున్నారు. మంగళవారం జరిగిన మీడియా సమవేశంలో లీగ్‌ ట్రోఫీని ఐజీపీఎల్‌ సీఈఓ ఉత్తమ్‌ సింగ్‌, హైదరాబాద్‌ ఫైర్‌బర్డ్స్‌ గోల్ఫర్లు ఆవిష్కరించారు.