SA vs AUS | ఒకే ఓవర్లో హేజిల్‌వుడ్‌కు డబుల్ వికెట్.. పోరాడుతున్న మర్క్‌రమ్..!

SA vs AUS : డర్బన్ టెస్టులో దక్షిణాఫ్రికా (South Africa) పోరాడుతోంది. నాలుగో రోజు క్రీజునంటుకున్న ఎడెన్ మర్క్‌రమ్‌(75 నాటౌట్) ఐదో రోజూ తొలి సెషన్‌లోనే రెండు వికెట్లు పడినా అదే పట్టుదలతో ఆడుతున్నాడు.

SA vs AUS : డర్బన్ టెస్టులో దక్షిణాఫ్రికా (South Africa) పోరాడుతోంది. నాలుగో రోజు క్రీజునంటుకున్న ఎడెన్ మర్క్‌రమ్‌(75 నాటౌట్) ఐదో రోజూ తొలి సెషన్‌లోనే రెండు వికెట్లు పడినా అదే పట్టుదలతో ఆడుతున్నాడు. ప్రధాన ఆటగాళ్లు పెవిలియన్ చేరడంతో మార్కో యాన్సెన్‌(35) జతగా జట్టును గెలిపించాలనుకున్నాడు. కానీ, అప్పటికే మూడు వికెట్లు తీసిన హేజిల్‌వుడ్‌(5-44) ఒకే ఓవర్లో యాన్సెన్‌, సైమన్ హార్మర్ వికెట్లు తీశాడు. అంతే అప్పటివరకు గెలుపుపై ధీమాతో ఉన్న ఆతిథ్య జట్టు ఆలౌట్ ప్రమాదంలో పడింది.

స్వదేశంలో జరుగుతున్న తొలి టెస్టులో దక్షిణాఫ్రికా కష్టాల్లో పడింది. ఆస్ట్రేలియా నిర్దేశించిన 421 పరుగుల ఛేదనలో ఎడెన్ మర్క్‌రమ్‌(75 నాటౌట్) నిలబడినా అతడికి సహకరించేవాళ్లు కరువయ్యారు. ఐదో రోజు తొలి సెషన్‌లోనే చెలరేగిన ఆసీస్ బౌలర్లు సఫారీలను ఒత్తిడిలో పడేశారు. మల్డర్ ఔటైన కాసేపటికే.. కైలీ వెర్రియన్‌(1)ను రెన్‌షా వెనక్కి పంపగా.. టాపార్డర్‌ను పడగొట్టిన హేజిల్‌వుడ్‌(5-44) ఒకే ఓవర్లో మార్కో యాన్సెన్‌(35, సైమన్ హార్మర్‌(0)లను ఔట్ చేసి ఐదో వికెట్ల ప్రదర్శన చేశాడు.

IT’S HAZLEGOD TIME!

An unplayable ball gets him a top-quality five-for in Durban 🔥

▶️ https://t.co/6TiDPp4rOq https://t.co/IX7QCfrANf

— Cricinfo (@cricinfo) October 13, 2026

దాంతో.. మల్డర్‌ వికెట్‌కు ముందు 155-5తో పటిష్ట స్థితిలోనే ఉన్న సఫారీ జట్టు హేజిల్‌వుడ్ విజృంభణతో 201-8కు పడిపోయింది. ప్రస్తుతం మర్క్‌రమ్ జతగా కేశవ్ మహరాజ్‌ ఆడుతున్నాడు. నాలుగో ఇన్నింగ్స్‌లో రెండొందలకుపైగా బంతులాడిన మర్క్‌రమ్.. ఆసీస్ బౌలర్లను విసిగిస్తూ అర్ధ శతకం సాధించాడు. కమిన్స్ సేన విజయానికి రెండు వికెట్లు మాత్రమే అవసరమవ్వగా.. తెంబా బవుమా జట్టుకు ఇంకా 220 రన్స్ కావాలి. దాంతో.. ఏదైనా అద్భుతం జరిగితే తప్ప ఆసీస్ గెలుపు లాంఛనమే అనిపిస్తోంది.